လက်ဖဝါးတွေကြမ်းနေတဲ့ခေတ်
*****************************
ခိုက်ခိုက်တုန်အောင်ချမ်းလို့
မိုးရာသီကိုကြောက်မယ်မထင်နဲ့
ပုဆိုးတိုတိုဝတ်ပြီး ကိုင်းခုတ်ဓားဆွဲ
ကိုင်းတောလည်း တိုးရတယ် ။
ငွေမြင်မှ ၊ လူကြင်မယ်
ဆီ ပေးမှ ဆန် ရမှာမို့
လက်လှုပ်နိုင်မှ ပါးစပ်လှုပ်နိုင်မယ် ။
ဘယ်ဥတုကိုမှ မမုန်းရက်ဘူး
ရွေးချယ်လို့မရတဲ့ ကံတရားကိုပဲ အပြစ်ဖို့မယ် ။
ဟောဒီ.... အမာရွတ်တွေကိုသာကြည့်
ညကြီးမိုးချုပ်မှ အလုပ်သိမ်းရမှာမို့
ခွေးဆွဲလည်း ပြေးရတယ်
သရဲဆွဲလည်း ပြေးရတယ် ။
မနက်ဖြန် ပဲပြုတ်ဝယ်ဖို့
တစ်ရာတန်ကို ပုဆိုးခေါက်ထဲထည့်ထားရတယ်။
ဘဝက ဒီလိုဖြစ်လို့
အဖေ့ကိုလည်း အပြစ်မတင်ရက်
အမေ့ကိုလည်း အပြစ်မတင်ရက်
ဘဲဥတွေ ဈေးတက်နေတယ်လေ ။
- ငါကမူးတယ်.... ကမ္ဘာကြီးကလည်တယ် စာအုပ်မှ
#ငါကမူးတယ်ကမ္ဘာကြီးကလည်တယ်
#SpringArts
#credit
