မာရီယာ ဖတ်ဖို့ -  ( ၂ )

တိုင်းပြည် အတွက် အသက်ပေးမှ

သူရဲကောင်းလို့ ကိုယ်မပြောချင်ဘူး မာရီယာ

ကျည်ထိသွားပြီး မျက်လုံးတွေ

ပြာလဲ့လဲ့ဖြစ်နေတဲ့ ကောင်က

ပြောလာတာ  စကားတစ်ခွန်းတည်း

" သားကြီး ငါ တာဝန်မကျေခဲ့ဘူးကွာ "တဲ့

သြော်.....

မျက်ရည်တွေလဲ စို့လို့။

မဆီမဆိုင် နေထိုင်ရင်း

မနေသာ မထိုင်သာ ရှိလာတဲ့

တိုင်းပြည်အခြေအနေ မှာ

အသက်ကို ပေးဆပ်လိုက်တဲ့

သူတစ်ယောက်အတွက် 

နောက်ဆုံးအချိန်ကျ ရောက်လာတဲ့

စာက သေတမ်းစာတဲ့

ရေးထားလိုက်တာများ - 

" သင် နဲ့ မသက်ဆိုင်တော့ပါကြောင်း

သွားလိုရာ သွားနိုင်ကြောင်း " ပေါ့  ။

# သျှမ်း