မာရီယာ ဖတ်ဖို့ - ( ၁ )

အမှန်တရားဟာ အပြောထက်

အလုပ် ပိုခက်ကြောင်း သိသွားတဲ့အခါ

တစ်ချို့တစ်ချို့တွေဟာ 

ကမ္ဘာမီးမလောင်ခင်

သားကောင် ချနင်းတော့ပါပဲ 

မတူညီတဲ့လမ်းကို လျှောက်တဲ့သူတွေနဲ့

အတင်းလုပ်ယူ မညှိချင်ဘူး

အကျွတ်တရား မရမဲ့သူဟာ

ဘယ်တရား လာလာ မကျွတ်နိုင်ဘူး

ဆိုတာ ကျနော် နားလည် သွားတယ်။

ကိုယ်ဝန်ဆောင် မိခင်တစ်ယောက်ဟာ

ဆေးရုံပေါ် လူတစ်ယောက်ဖြစ်လာဖို့

ခက်ခက်ခဲခဲ အားယူနေကြရတဲ့အချိန်

တစ်ချို့နေရာတွေမှာတော့

လူတစ်ချို့ တွေရဲ့ အသက်နဲ့ ခန္ဓာ

အစိတ်စိတ်အမွှာမွှာကို ဖြစ်လို့ ။

တရားဟာ တရားအတိုင်း

အမှားဟာ အမှားတိုင်းရှိနေမှတော့

ငါတို့ သိတဲ့အမှန်တရားတွေ

မဆိတ်သုဥ်းသေးဘူးဆိုတာ

လူ့တိရစ္ဆာန်တွေကို သက်သေပြမှ ရမယ်။

ဘဝမှာတော့.......

တူမီးဆိုတာ တိရစ္ဆာန်တွေကိုပဲ

ပစ်ဖို့လို့ ထင်ထားခဲ့တာ

တကယ့်တကယ်ကျတော့လည်း

တိရစ္ဆာန် တွေကို ပစ်နေရတယ်။

# သျှမ်း