◼ နောက်ဆုံးမျိုးဆက် ◼

ဒီနိုင်ငံမှာ

အာဏာ တခါကျိုးပျက်တိုင်း

လူငယ်မျိုးဆက်တွေသာ

ရင်ကော့ပြီး တိုးထွက်လာတယ်။ 

စနစ်ကောင်းကို ကြိုမြင်ကာ

ခေတ်ဟောင်းကို ဖြိုချင်တာ

အစဥ်အလာတခုလို စီးဆင်းခဲ့တယ်။ 

အဖြူထည်တွေကို

ဖယ်ထုတ်ပစ်လိုက်ရင်

လူငယ်စစ်စစ်တွေသာ

ခေတ်ရဲ့ ပြယုဂ်ဖြစ်တယ်။ 

ရူးရူးမိုက်မိုက်နဲ့

စူးစူးစိုက်စိုက် လျှောက်တုန်းမှာ

ပျောက်ဆုံးမျိုးဆက် မဖြစ်စေရ

နောက်ဆုံးမျိုးဆက် ဖြစ်ရစေမယ် ။ 

ဘုရားချည်းပဲ တ, လို့

တရားချည်းပဲ ရ , မနေကြနဲ့ ။ 

အနာဂတ်ကို ပြန်ရွေးဖို့

သူတို့ ထိုးကျွေးတဲ့ ပစ္စုပ္ပန်ပေါ်

ငါတို့ နိုင်ငံတော် တည်နေတယ်။◼

©လက်ျာဧ

#thevoiceofspring #poem

#thevoiceofspring

#credit