တောတွင်းမှ ​နွေဦးတမ်းချင်း

____________________

အလင်းရေ.....

ဆုတောင်းတိုင်းလည်း မပြည့်ခဲ့လွန်းတော့ 

ဆုတောင်းဖို့ကို မောင် ကြောက်တတ်လာတယ်

ဒုက္ခတွေဟာ ဘာလို့ မောင်တို့ဆီမှာမှ ပျော်မွေ့ရသလဲ??? 

တစ်ရေးနိုးညတွေ

အိပ်မရတဲ့ညတွေ

မိုးမလုံတဲ့ညတွေ

နှင်းရွှဲရွှဲစိုတဲ့ညတွေ

တစ်ထွာသာသာ ဝမ်း ဟောင်းလောင်းညတွေ.....

ကြယ်တွေငိုတဲ့ညတွေ......... 

အလင်း ကိုယုယထွေးပွေ့ချင်တဲ့လက်တွေဟာ 

အခုတော့ သေနတ်ကိုင်နေရတယ်....

ကြားချင်နေတဲ့ အလင်းရဲ့စကားသံချိုလေးတွေအစား

လက်နက်ကြီးသံတွေ.......... 

ရင်းထားရတဲ့အသက်တွေ....

မိသားစုတွေရဲ့ဒုက္ခတွေ....

စွန့်လွတ်ခဲ့ရတဲ့ အရာတွေ.....

မြိုသိပ်ထားရတဲ့ ခံစားမှုတွေ....

သယ်ပိုးထားရတဲ့အလွမ်းတွေ...... 

အလင်းရေ......

တစ်ခါခါ‌ မောင်ငိုမိတယ်....

တစ်ခါခါ သက်ပြင်းဖွဖွချတယ်..... 

မောင့်နှလုံးသား ဒီထက်ပိုမာနိုင်ပါ့မလား...... 

တော်လှန်ရေးဆိုတာ နှလုံးသားနူးညံ့တဲ့သူတွေပဲလုပ်နိုင်တာတဲ့....

ဒီနှလုံးသားတွေလည်း ဒါဏ်ရာ‌တွေ ဗလဗွနဲ့........ 

အလင်းရေ .......

မောင့်ရဲ့ပျက်ကွက်မှုတွေအတွက်တောင်းပန်ပါတယ်

အလိုက်တသိ နားလည်မှုတွေအတွက် ကျေးဇူးတင်ရပါတယ်.....

ချစ်ခြင်းတွေနဲ့ရှင်သန်စေလို့ ပိုပြီးတမ်းတရပါတယ်..

ရင်နဲ့မဆန့်အောင်အလွမ်းတွေသယ်ပိုးထားတယ်

အလင်းရဲ့ရှေ့မှောက်ပြန်ရောက်တဲ့အခါ အချစ်တွေအဖြစ် သွန်ချပစ်မယ်...... 

အလင်းရေ......

မင်းရဲ့ချစ်ခြင်းတွေနဲ့ ခွန်အားယူရသူမို့

နေကောင်းကျန်းမာအောင်နေပေးပါ

အစစအရာရာမှာ ဂရုစိုက်ပါ

အနာဂတ်အိမ်လေးအတွက် ရှင်သန်နေပေးပါ.... 

စစ်မိစ္ဆာတွေကို အပြီးတိုင်သုတ်သင်ပြီးတဲ့အခါ

ချစ်မေတ္တာ‌တွေနဲ့ ကမ္ဘာသစ်တည်ကြတာပေါ့...

‌ဪ....

နွေဦးရဲ့ ကံ့ကော်လေးတွေ ပွင့်ချိန်ရောက်ပြန်ပါပေါ့လား......

- ရဲဘော်အောက်ချင်း -

Art - နိသာ

#ဝရဇိန် စာစဥ်