⏺ သံမဏိကြယ်ပြာ

စစ်တပ်နဲ့

သံသရာဇာတ်မှာ

ရန်ငါပြတ်တဲ့

ငါတို့ရဲ့ ခံတပ်ကြီးဖြစ်ခဲ့သူ ။

အမှောင်တရားပျက်ဖို့

ကလောင်သွား ထက်သလို

နှလုံးသားလည်း ထက်ခဲ့သူ ။

သမိုင်းတခေတ်မှာ

သူဟာ...

အာဏာရှင်ကို ငြင်းဆန်ရင်း

အနင်းလည်း ခံခဲ့သလို

အကျဥ်းလည်း စံနိုင်ရဲသူ ။

အုတ်ရိုးအကျဥ်းစခန်းထဲ

ရဲရဲနီ ပန်းတွေပွင့်လို့

မျှော်လင့်ချက်နဲ့

အသက်ဆက်ခဲ့သူ ။

စစ်ကျွန်ဖွဲ့စည်းပုံ

အလုံးစုံ ဖျက်သိမ်းရေး

ဘယ်တော့မှ လက်မနှေးဘဲ

တယောက်တည်းကျန်

အလံမလှဲ

အမြဲပဲ အရေးဆိုခဲ့သူ ။

အမှန်ကြည့်သလို

ရန်သိတဲ့

သံမဏိကြယ်ပြာရဲ့စကား

ခင်ဗျားတို့ ကြားယောင်ကြည့်ပါ

" စစ်အာဏာရှင်ရဲ့ ကျေးဇူး

  မူးလို့တောင် ရှူစရာမရှိဘူး..." ။⏺

      ( ဟံသာဝတီဦးဝင်းတင် သို့

            ဦးညွှတ်စွာဖြင့်  )

©လက်ျာဧ

#thevoiceofspring #poem

#thevoiceofspring