စစ်ပွဲဧရိယာ

__________

မျက်ရည်စက်တွေ ယိုစီးလာနေတဲ့

ဝါးရုံပင်တန်း....

အိပ်မက်တွေ ထိပါးခံရတဲ့တောင်စွယ်တွေ...

မေမေရေ...

မီးလောင်မြေမှာ

သားတို့အိမ်လေးကို ခြေရာမခံမိတော့ဘူးလား။

အဆိပ်တက်ညတွေရယ်

ယမ်းနံ့တွေဝေဆာပါရဲ့။

ညီမလေးဆော့နေကျ ဘာဘီရုပ်လေး

ဘယ်ပြာပုံ​ဘေးနား သေသွားရှာပြီလဲ။

သားစီးနေကျ စက်ဘီးလေးလည်း

လူ့အခွင့်အရေးနဲ့နီးရာကို ထွက်ပြေးရှာသတဲ့။

ခုဆို

ဘိုးဘိုးလေ...

လေယာဥ်သံကြားတိုင်း

မိုးကာစ​​တွေ ပြေးရုတ်နေရလေရဲ့ မေမေရေ ။      ။

- နှင်းရိပ်နွေ -

#ဝရဇိန် #poem #နှင်းရိပ်နွေ

#warandpeace #stopwar 

Art - နိသာ

#credit

#ဝရဇိန်စာစဥ်