"ဝဋ်ကြွေး"
လူတိုင်းက
ခြောက်ပြစ်ကင်းသဲလဲစင်
မဟုတ်တော့
အမှားနဲ့မကင်းနိုင်ဘူး။
ခြောက်ပြစ်ကင်းသဲလဲစင်
မဟုတ်ဘူးဆိုတိုင်း
အမှားကို
ကျူးလွန်နေဖို့ မဟုတ်ဘူး။
တမင်ကျူးလွန်နေတာဆိုရင်
အကြောင်းတစ်ခုခုရှိပြီ။
မသိလို့မှားရင်တော့
ပြုပြင်ပြောင်းလဲလို့ရတယ်။
သိသိရက်နဲ့အမှားကို
ဆက်ပြီးကျူးလွန်နေရင်တော့
ဒါဟာ
သံသရာအရှည်ဆုံးဝဋ်ကြွေးပါပဲ။
အရှည်ကြာဆုံးက
ချစ်ကြွေးသံသရာပါပဲ။
တချို့ကချစ်ခြင်းမေတ္တာကို
ရေစက်လို့ဆိုပါရဲ့။
ရင်ဘတ်ကြီးတစ်ခုလုံးနဲ့
ပွေ့ဖက်ထားမိတဲ့
ချစ်ခြင်းမေတ္တာက
တဖက်သတ်ဆန်နေခဲ့ရင်
လွမ်းရဖို့သာ ဖြစ်နေခဲ့ရင်
ဒါဟာ
ဝဋ်ကြွေးသက်သက်ပါပဲ။
ဖော်ကျူးခွင့်မရှိတဲ့
အချစ်ရပ်ဝန်းမှာ
ပျော်ပါစေဖော်ညွှန်းပြီး
ခွင့်လွှတ်နားလည်ပေးနေတာလည်း
တမင်ရူးရခြင်းတစ်မျိုးပါပဲ။
သံသရာတဆုံး
ဝေ့ဝှိုက်နေပါစေဦးတော့
ဆက်ထုံးတွေပြေရင်လည်း
ဝဋ်ကြွေးကျေစမြဲပဲလေ ။
Sêcrêt Pâl
Good
ReplyDelete