အကြာကြီးနေဖို့ မလိုဘူး
______________________
လူ့ဘဝမှာ
အကြာကြီးနေဖို့ လိုအပ်သလား။
လူတွေ နေခဲ့တယ်။
မြို့မငြိမ်းလည်း လိုအပ်သလောက်ပဲ နေခဲ့တယ်။
ကတ်ကိုဘိန်းလည်း လိုသလောက်ပဲ နေခဲ့တယ်။
ဗင်းဆင့်ဗင်ဂိုး
ဂျက်လန်ဒန်
မာယာကော့ဖ်စကီး
ဟဲမင်းဝေ
သူတို့ လမ်းကို သူတို့ ရွေးခဲ့တယ်။
သူတို့ ဘဝကို သူတို့ သိခဲ့တယ်။
လူ့ဘဝမှာ
အကြာကြီးနေပြီး အသုံးမကျ
ဆန်ကုန်မြေလေး ဘဝတော့ မလိုချင်။
ဘဝမှာ
အာကာသမှာ
အချိန်ကာလမှာ
အချိန်အကြာကြီး နေစရာ မလိုပါဘူး။
ဗာဂျီးနီးယားဝုဖ်
ဆယ်လ်ဗီယာပလပ်
ဂျင်းနစ္စဂျိုပလင်
ကမ္ဘာကြီးကို ချစ်လို့ စွန့်သွားခဲ့တယ်။
ဘဝကို ခင်တွယ်မှု ဆိုတာ
အသေခံ ဗုံးခွဲသမားတွေက
ဟားတိုက်ရယ်လိမ့်မယ် ။ ။
#လှသန်း
No comments:
Post a Comment