"ဒေါင့်ချိုးများ"
ဒုက္ခဆိုတာ ဒိုင်ယာရီတစ်အုပ်ပဲ
သုခဆိုတာ အတိုအစတွေရတဲ့ Snack ဘားလေးတစ်ခုပဲ
ချစ်သူဆိုတာ လေညင်းသာသာမှာ
လွင့်ပါးသူ ပုဝါစကလေးပဲ
ပျော်ရွှင်ခြင်းဆိုတာ ခုန်ပေါက်စားခြင်းတစ်မျိုးပဲ
ဘဝဆိုတာ ဓားချက်တွေမွှန်းထားတဲ့ အရှင်လတ်လတ်ငါးပဲ
ယုံကြည်ချက်ဆိုတာ မြစ်လိုမဖြာ
သစ်ပင်လို သီးပွင့်ခြင်းပဲ
ခံစားချက်ဆိုတာ ရေတံခွန်နဲ့ စက္ကူစွန်ပဲ
လောကကြီးက ခရီးသည်ကြီးပါပဲ
တိမ်တွေကို ကျောပိုးအိတ်လို လွယ်လို့
သစ်တောနဲ့ တောင်တန်းတွေဝတ်ဆင်
အိမ်ရာပြုလို့
သေခြင်းတရားဆိုတာ သောက်ဖော်စားဖက်ပါပဲ။
-မောင်ချောနွယ်
No comments:
Post a Comment