"နိုင်ငံတော်သီချင်း-၅"
ဖုံးထားတဲ့အဝတ်ဖြူ ကိုဖယ်လိုက်တော့
ရုပ်ပျက်ဆင်းပျက်သေဆုံးနေတဲ့ နိုင်ငံတော်
ကျီးပြိုတယ်
လျှပ်စီးတွေလက်တယ်
လေမတိုက်ပဲသစ်ရွက်တွေလှုပ်တယ်
သွေးသားဆန္ဒမရှိတော့တဲ့
ငှက်လှောင်အိမ်ထဲကလူတွေ
ရှင်ခြင်းရဲ့အမှတ်တရ
လက်ကောက်ဝတ်ပေါ်ကအမာရွတ်တွေ
မေတ္တာသုတ်ရွတ်နေတဲ့
ဓာတ်ငွေ့ကာမျက်နှာဖုံးနဲ့ဘုန်းကြီးတွေ
နှိပ်စက်မှုကိုမခံနိုင်တဲ့အဆုံး
တိမ်တွေက နေမင်းကြီးပုန်းနေတဲ့နေရာကို
ဖွင့်ပြောပြလိုက်တယ်
နှုတ်ခမ်းထောင့်စွန်းကသွေးတွေဟာ
အသက်ရှိနေသလိုပူနွေးနေဆဲ
သင်၏ တမလွန်ဘဝကနိုင်ငံတော်။
-အောင်ခင်မြင့်
No comments:
Post a Comment