"ပျဥ်းမငုတ်တို"
ဖုထစ်ရွတ်တွ၊ ငှက်ဠင်းတသို့
ပျဥ်းမငုတ်တို၊ သက်ကျားအိုသည်
ကုန်းမိုထက်တွင် တပင်တည်း။
ခွဆုံအကွေး၊ သစ်ခေါင်းဆွေးလည်း
အဖေးတက်လျာ၊ အိုင်းအမာသို့
ကျယ်စွာဟက်ပက် ခြအိမ်ပျက်။
ကုန်းမိုကမ်းပါး၊ မြေပက်ကြားတွင်
စစ်သားခမောက်၊ ပိတ်ခြောက်ခြောက်ရုပ်
စစ်ရောက်စခန်း လက်ပြညွှန်း။
ထိုပင်ငုတ်တို၊ ပျဥ်းမအိုသည်
စစ်ကိုလဲကြုံ၊ ခြအုံလည်းဖြစ်
ဓားထစ်လဲခံ၊ နေလျှံလည်းတိုက်
လေပြင်းခိုက်လည်း၊ မငိုက်ဦးခေါင်း
နွေသစ်လောင်းသော်။
ရွက်ဟောင်းညှာကြွေ၊ ရွက်သစ်ဝေ၍
လေပြည်ထဲတွင်၊ ငယ်ရုပ်ဆင်သည်
အသင်ယောက်ျားကောင်းတကား။
-မင်းသုဝဏ်
No comments:
Post a Comment