အလှူ
========================
သူတို့အတက်၊ တိုင်းပြည်ပျက်လို့
သွေးထွက်စွန့်စား၊ ရဲဘော်များကို
ပြည်သားပြည်သူ၊ ဝိုင်းဝန်းကူသည်
တူတူရုန်းထွက်နေတုန်းတည်း။
အမောင်လုပ်သား၊ ရဲဘော်များကို
ဘာအားလှူခဲ့လေသနည်း။
လက်မရွံ့တွေး၊ လစာလေးကို
ပြေးလှူခဲ့ကြောင်းမှတ်ပါလေ....။
ကြင်ဖော်မယား၊ ရဲဘော်များကို
ဘာအားလှူခဲ့လေသနည်း။
အမွေထပ်ထပ်၊ရွှေနားကပ်ကို
ပေးရက်ခဲ့ကြောင်းမှတ်ပါလေ....။
အမေအိုဖွား၊ ပြည်သစ်အားတွက်
ဘာများပေးဆပ်လှူသနည်း
ကြင်နာပိုက်တွယ်၊ ငါ့သားငယ်ကို
ရင်ဝယ်စည်းခြား၊ တိုင်းပြည်အားတွက်
ပေးထားခဲ့ကြောင်း မှတ်ပါလေ.....။
ဖြေရင်းမတ်တတ်၊ ပါးပြင်ထက်မှာ
လိမ့်ကာစီးကျ၊ မျက်ရည်စတို့
နင့်စို့လွမ်းဆွတ်လေပြီတကား......။
သီဟ
လေတသုန်သုန်တိုက်လျက် မိုးစက်များစိုရွှဲလျက် ကမ္ဘာမြေဟာ လူမသိသူမသိကြွေကျပျက်စီးခဲ့တဲ့ သစ်ရွက်အနွမ်းတို့ကို အုပ်မိုးပွေ့ဖက်တော်မူပါတယ်။ ရှေးဟေ...
No comments:
Post a Comment