"သူတို့ကို မယုံနဲ့"
သူတို့ကို မယုံနဲ့
သူတို့ကို မယုံနဲ့
သူတို့ဘာပြောပြော မယုံနဲ့
သူတို့ကနေ
သစ်ပင်ကို သစ်ပင်လို့ ပြောလည်း မယုံနဲ့
လူကို လူလို့ ပြောလည်း မယုံနဲ့
လကို လလို့ ပြောလည်း မယုံနဲ့
ယုန်ကို ယုန်လို့ ပြောလည်း မယုံနဲ့
သူတို့ ဘာပြောပြော မယုံနဲ့ ။
သူတိုကနေ
ရွှေကို ရွှေလို့ ပြောလည်း မယုံနဲ့
ငွေကို ငွေလို့ ပြောလည်း မယုံနဲ့
ရေကို ရေလို့ ပြောလည်း မယုံနဲ့
သူတို့ ဘာပြောပြော မယုံနဲ့ ။
တက်နေတာက ဈေး
ကျနေတာက စိတ်ဓာတ်
သစ်လည်းပြောင်ပြီ
မြစ်လည်းခေါင်ပြီ
လျှပ်စစ်မီးမရှိရင် ဖယောင်းတိုင်ထွန်းတဲ့
သဘာဝဓာတ်ငွေ့တွေ
အလုံးအရင်းနဲ့ ပြည်ပကိုထွက်ခွာ
ငါတို့တော့ အမှောင်ထဲမှာ ငုတ်တုတ်
ငါတို့တစ်သက်တာမှာ
သူတို့ပေးတာဆိုလို့ တစ်ခုပဲရှိတယ်
အဲ့ဒါ ဒုက်ခ။
ဈေးမှာ ပုစွန်ခေါင်းရှာမတွေ့တော့သလို
ပုဇွန်တောင်ချောင်းလည်း ပြောက်သွားနိုင်ရဲ့
ဧရာဝတီမြစ်ကြီးလည်းမှောက်သွားနိုင်ရဲ့
လွှတ်တော်မှာ အမတ်လစာတိုးရေးကိုသာတင်ပြတယ်
ဘယ်အမတ်မှ ကုန်ဈေးနှုန်းကျဆင်းရေးကို
ထည့်မဆွေးနွေးခဲ့ဘူး။
တဖြည်းဖြည်းနဲ့ ကိုယ်နဲ့မဆိုင်တာတွေ ပိုများလာ
ကြက်ပျံ၊ ဝက်ပျံ၊ ငှက်ပျံ
ကန်စွန်းရွက် ပျံ၊ ချဉ်ပေါင်ရွက် ပျံ
ပဲပင်ပေါက် ပဲပြား ပျံ
ရှိရှိသမျှ အကုန်ပျံ။
နောက်ဆို
ငါတို့လည်း လူစင်စစ်က နွားတွေဖြစ်
မြက်တောင် တက်ဈေးနဲ့ ဝယ်စားရမလားမသိ။
မယုံနဲ့
သူတို့ကို မယုံနဲ့
သူတို့ဘာပြောပြော မယုံနဲ့
အထူးသဖြင့် မယုံနဲ့၊ ယုံကို မယုံနဲ့ ။ ။
-လူအိမ်
Collage By Poetry Cafe
No comments:
Post a Comment