Click 4Tanintharyi

𝑷𝒂𝒓𝒊𝒋𝒂𝒕 𝒇𝒍𝒐𝒘𝒆𝒓𝒔 (𝒐𝒓) 𝑵𝒊𝒈𝒉𝒕 𝒇𝒍𝒐𝒘𝒆𝒓𝒊𝒏𝒈 𝒋𝒂𝒔𝒎𝒊𝒏𝒆 🧡

မြန်မာလို ဆိပ်ဖလူးပန်းလို့ ခေါ်ကြတဲ့ ဒီပန်းတွေကို မြင်ကြရင် ငယ်ဘဝကို ပြန်သတိရစေမယ်ထင်တယ်။

ဒီဆိပ်ဖလူးပန်းတွေဟာ သဘာဝပေါက်ပင်မဟုတ်ပဲ အလှစိုက်ကြတဲ့ ပန်းပင်မျိုးဖြစ်တယ်။ မူရင်းဒေသကတော့ India ကတဲ့။ India မှာ သူ့ကို Parijat flowers လို့ခေါ်ကြတယ်။ ဒီမှာတော့ အာရုဏ်ဦးပန်း၊ ရိုးနီပန်း စသဖြင့် ဒေသအလိုက် အမျိုးမျိုးခေါ်ကြပါတယ်။

အပင်ပုမျိုးဖြစ်ပြီး ဆယ်မီတာလောက်ထိ မြင့်တတ်တယ်။ သူ့မှာ ဆေးဖက်သိပ်ဝင်တဲ့ အရွက်တွေလည်းရှိသလို အဖြူရောင်ပွင့်ချပ်တွေနဲ့ အလယ်မှာ လိမ္မော်နီရောင်လေးသန်းနေတဲ့ သိပ်လှတဲ့ပန်းတစ်မျိုးဖြစ်ပါတယ်။ ဆိပ်ဖလူးပန်းရဲ့ ရနံ့က ပျားရည်နံ့လေးနဲ့ ပိုတူသလို ခံစားရတယ်။ အနံ့နည်းနည်းပြင်းတာမို့ တစ်ချို့ကတော့ မကြိုက်ကြဘူး..

သူ့ရဲ့ ပန်းပွင့်ချိန်က August to December ဆိုပေမယ့် အမြဲပွင့်နေတတ်တာများပါတယ်။ ဆောင်းဦးပိုင်းတွေမှာဆိုရင်တော့ ပုံမှန်ထက် ပိုပွင့်ကြတယ်။ ဒီပန်းတွေဟာ ညနေနေဝင်ချိန်ဆို စပြီးပွင့်တယ်..ပြီးရင် ညဦးလောက်ဆို ပတ်ဝန်းကျင်တစ်ခုလုံး အီနေအောင်ကိုမွှေးတာ။ ဒါပေမယ့် သူ့ရဲ့ပန်းစက်ဝန်းကသိပ်တိုတယ်..မနက်နေထွက်ချိန်ဆိုတာနဲ့ ပန်းတွေအကုန် မြေပေါ်ကြွေကျကုန်ရော..။ဒါကြောင့် Night Flowering Jasmine လို့ခေါ်ကြတာဖြစ်မယ်။

ဒီဆိပ်ဖလူးပန်းတွေရဲ့ ပန်းစကားက love and will never face any hardships တဲ့။ တစ်ယောက်ယောက်ကို လက်ဆောင်ပေးတဲ့အခါ ချစ်ခြင်းမေတ္တာကို ရည်ညွှန်းသလို ဘယ်လိုဆင်းရဲဒုက္ခမျိုးနဲ့မှ မကြုံရပါစေနဲ့လို့လည်း အဓိပ္ပါယ်ရတယ်။

မြန်မာအယူအဆနဲ့ဆိုရင်တော့ ဒီအပင်ဟာ ဆေးဖက်သိပ်ဝင်တယ်တဲ့။ အထူးသဖြင့် သူ့အရွက်တွေက နှလုံးအတွက်ကောင်းသလို ကြိတ်ပြီး ပျားရည်၊ ဆား စတာတွေနဲ့ ရောသောက်ရင် ချောင်းဆိုးတာ၊ ဝမ်းပျက်တာ၊ သန်ထတာတွေကို ပျောက်ကင်းစေတယ်တဲ့။ အပွင့်တွေကတော့ အဆစ်အမြစ်တွေအတွက် သိပ်ကောင်းတယ်လို့ လူကြီးတွေက ပြောကြပါတယ်။

#crd original post from facebook