Click 4 Tanintharyi

🎋ဝါးပလုပ် (သို့) ဝါးဂျယ်လီ

🌸🌸🌸🌸🌸🌸🌸🌸🌸🌸🌸🌸🌸🌸🌸

🎋မြိတ်/ထားဝယ် ဒေသရဲ့ အစားအစာ

ဝါးပလုပ် ဘယ်လိုဖြစ်လာလဲဆိုတာ ဗဟုသုတ အနေနဲ့ မျှဝေပေးလိုက်ပါတယ်။

🎋ဝါးထဲက ရတဲ့ သဘာဝဂျယ်လီပါ

ရှားစောင်းလက်ပတ် လိုလို အချိုမပါတဲ့ ဂျယ်လီ ဆေးကုလားမ လိုအရသာမျိုးနဲ့ ပုံစံ တူပါတယ်

🎋မိုးဦးကျပြီ တစ်ပင်တိုင်ဝါး နဲ့ ဝါးပျောက် လို့ခေါ်တဲ့ ဝါးရုံတွေဆီ လူစုပြီး မျှစ်ချိုးရန်သွားကြပြီဆိုရင် မျှစ်ချိုးသူတွေ မတွေ့ဘဲ ကျန်နေခဲ့တဲ့ မျှစ်စို့ပေါက်လေးက အရွယ်မရောက်တရောက် မျှစ်လည်းမက ဝါးလိုလည်းအသုံးပြုလို့ မရသေးတဲ့ လသားဝါးလေးတွေ အရှည် လူတရပ်ကျော်ကျော်ကို ရှာရပါတယ်။ဒီဝါးကိုတွေ့ရင်မြေပြင်ကနေ ၂ဆစ်မြောက်၃ဆစ်မြောက်လောက်မှာ အဆစ်ရဲ့ အောက်နားကနေ ရေဝင်နိုင်ရုံ အပေါက် ဖြစ်အောင်ထစ်ပေးရပါတယ်။

🎋ကိုယ်နိုင်သလောက် တစ်ပင်မှာ၂/၃ဆစ် လောက်ဖောက်။နောက်တစ်ပင်ထပ်ဖောက်။ သိပ်များများ လောဘမကြီးနဲ့ မရဘူး။ ဘာ့ကြောင့်လဲဆို ဝါးပလုပ်ဖြစ်ရင် အပင်ခြေက နေယူရမှာဖြစ်တော့ မျှစ်ချိုးတုံးကတခါခုတ်ယူလိုက် ဝါးပလုပ် လုပ်တော့ နောက်တစ်ခါခုတ်ယူလိုက်နဲ့ဆို ဝါးမျိုးတုံး ကုန်မှာပေါ့။

🎋မိုးကျပြီး ဝါးပင်ဖြစ်လာတဲ့အချိန် ဝါးပင်ဘေးမှာ အက်ကွဲရုံ ဖောက်ထားပေးတဲ့အပေါက်လေးကနေမိုးရေစိမ့်ဝင်ပြီး တဖြည်းဖြည်းချင်း ဝါးပလုပ် ဖြစ်လာစေပါတယ်။ ၁၀ရက်လောက်ဆို တစ်ခါသွားကြည့် ။ အပေါက်ဖောက်ထားတဲ့ ဝါးအတွင်းထဲကို မိုးရေကဝင်ပြီး သဘာဝက ပေးတဲ့ဝါးပလုပ် ဆိုတာ ရပါပြီ ။ပင်ရင့်လာတဲ့အခါ ဝါးဆစ်လေးတွေ ထဲမှ ထုတ်ယူလို့ရပါပြီ။

🎋မိုးရွာမှုနဲ့ ရာသီဥတုပေါ် မူတည်ပြီး ၁၀ရက်။ဒါမှမဟုတ် ၁၅ရက်၂၀ရက်လောက်လဲ ကြာတတ်ပါတယ်။ရလာတဲ့ ဝါးပလုပ်တွေကို

ကိုယ်နှစ်သက်ရာ ဖျော်ရည်မှာ ထည့်သောက်နိုင်ပါတယ်။ဝါးအတွင်း အမှေးလေးတွေရဲ့

ရနံ့သင်းသင်းလေး ဖြစ်နေပြီး ဝါးရနံ့ မွှေးပါတယ်။

🎋ဝါးပလုပ်ရဲ့ ဆေးဖက်ဝင်မှုတွေကတော့

👉ရင်အေးတယ်

👉အသည်းအားပေးတယ်။

👉ကျောက်ကပ်အားပေးတယ်။

👉ဆီးချိုရှိတဲ့သူတွေ အချိုမထည့်ဘဲသောက်နိုင်ပါတယ်။

#Ctedit_မူရင်းရေးသားသူ✍👸

#ဝါးပလုပ်