'ယုံကြည်မှုရဲ့ ခရီးလမ်း''

''ယုံကြည်မှုရဲ့ ခရီးလမ်း''

မိတ်ဆွေတို့ စိတ်ညစ်စရာတွေ၊ အားမရတာတွေ၊ ကျရှုံးမှုလို့ ခံစားရတာတွေ ရှိကြပါလိမ့်မယ်။

ကိုယ်ရော သူရော​ ပေါ့လေ
ကိုယ်တွေအောင်မြင် နေတာတကယ် မရှိတော့ဘူးလား  ၊  စေ့စေ့ ပြန်စဥ်းစားကြပါဦး။ 

ကိုယ့်ရန်သူဖက်က ကျရှုံးမှုတွေ
မအောင်မြင်မှုတွေကိုလည်း တွေးမြင်ကြည့်ကြပါဦး။

တကယ်တော့ လူဆိုတာ ကိုယ့်ဒုက္ခမှ
ကိုယ်ကြီးတတ်ကြတာ သဘာဝပါ။

ကိုယ့်ဝမ်းနာ ကိုယ်သာသိ တဲ့၊သူတို့ဝမ်းနာ သူတို့ရှိကြပါတယ်။

တခုတော့ ကွာတယ်နော်၊သူတို့ဘက်က
တသွေး တသံ တမိန့်နဲ့သွားတာဆိုတော့ ၊ နောက်ပြီး နောက်ပြန်လှည့်စရာ တကယ်မရှိလေတော့ စိတ်ပျက်အားလျော့တဲ့ အသံ လုံးဝ မထွက် ကြပါဘူး။

ငါတို့တတွေက ယုံကြည်ရာ လမ်းတူကြပေမယ့် အမြင်အမျိုးမျိုး လုပ်နည်းလုပ်ဟန်အသွယ်သွယ်နဲ့ တဦးချင်းစီ စုဖွဲ့ထားကြတဲ့သူတွေ ဆိုတော့ တယောက်နဲ့တယောက် ပွတ်တိုက်မှုတွေရှိမယ်။

အချင်းချင်းအားမလိုအားမရ ဖြစ်ရာကနေ တော်လှန်ရေးကို အားမရတာ ဖြစ်လာပြီ ဆိုရင်တော့ လမ်းလွဲ နေကြပြီ။

မတူညီမှုတွေရဲ့ အင်အားကို ဒီမိုကရေစီလိုလားသူတွေမှ မယုံကြည်ရင် ဘယ်သူယုံကြည်မလဲ။

သေခြာတာ တခုက ကိုယ့်ရန်သူက ပြန်လှည့်စရာ လမ်းကိုမရှိပါဘူး။ငါတို့က ရှေ့ကိုအရောက် သွားမယ်လို့ ယုံကြည်ထားကြတာ။

တူသလိုနဲ့ ကွဲပါတယ် ၊
သူတို့က ဖောင်ပျက်ခဲ့ပြီ၊
ငါတို့က ရွက်လွှင့်နေကြတာ။

တော်လှန်ရေး အစကာလက ကိုယ့်ရင်ဘတ်က  အသံတွေ ကိုယ်တိုင်ပြန် နားစွံ့ကြ။

ဒီခရီး ရောက်မယ်ယုံလို့ လျှောက်ခဲ့ကြတာ မဟုတ်လား။ ငါတို့ရဲ့ ယုံကြည်ခြင်းဟာ ငါတို့ရဲ့ ရွက်လှေပဲ။ ယုံရင် ဆက်လျှောက် ရောက်ကိုရောက်မယ်။

                                       -ရင်သွေး