“ငါတော့မရှက်ရမယ့်အခြမ်းမှာ နေခဲ့တယ်”
ဖေဖော်ဝါရီ ၁ရက်
အောင့်သက်သက်နဲ့နိုးထ
ငါအသက်ရှူမဝခဲ့...။
ရာဇပုလ္လင်ကို ဖက်ဆစ်ခွေးလုသတဲ့
ငါ့နှယ့် လုပ်ရက်လေခြင်း
သက်ပြင်းများ တွင်တွင်ချရင်းပေါ့...။
စက်ဆုတ်ရွံရှာစိတ်က
ငယ်ထိပ်မက တက်ပြီမို့
အာဏာဖီဆန် ငါတော်လှန်တယ်...။
တကယ်တော့လဲ ခက်ခဲတာပေါ့
ဇွဲတော့ဖြင့်မလျှော့ပါဘူး
နေ့ထူးကို အောင်စိတ်ကချီဆောင်လိမ့်မယ်...။
တိမ်မှောင်ကင်းစင် ပြာလွင်နေ့ဝယ်
တို့တတွေရဲ့ ဒီမိုဖယ်ဒရယ်
ငါတို့ကိုယ်တိုင် သယ်လာမယ်...။
ငါ့နိုင်ငံအတွက် ငါရေးတဲ့သမိုင်း
ရာဇဝင်လုံးဝ မရိုင်းစတမ်းပေါ့
မှတ်တမ်းမော်ကွန်း ထိုးစေရော့
ငါ့ရင်ကိုကော့ ငါ့ခေါင်းမော့လျက်
ငါတော့ မရှက်ရမယ့်အခြမ်းမှာပဲနေခဲ့တယ်…။
Aeron
#စိတ်ခွန်အားဖြစ်စရာ CDMer တို့ ကဗျာကဏ္ဍ
#credit to original post
No comments:
Post a Comment