မနက် အိပ်ရာထရင် မျက်နှာသစ်ရသလို
တစ်နေ့ ထမင်း နှစ်နှပ်စားရသလို
အချိန်တန်ရင် ကျောင်းသွား၊
အလုပ်သွားရသလို
စိတ်ကောက်ခြင်းကို နေ့စဥ်ပြုမြဲ ၊
ဝတ္တရားတစ်ခုလို မပျက်မကွက်
ပုံမှန်ဆောင်ရွက်တတ်တဲ့
မိန်းကလေးတစ်ယောက်နဲ့
ချစ်ကြိုက်ဖူးရင်
ကျွန်တော့်ကို ကိုယ်ချင်းစာမိမှာပဲ။
တစ်ခါတလေ ပုံမှန်ထက် ပိုပြီး
အိုဗာတိုင်နဲ့ စိတ်ကောက်တာမျိုးတောင်
ရှိသေးတယ်။
အဲ့ဒီလိုပဲ
ချစ်သူကို အရှုံးပေးဖို့၊ လိုက်လျောဖို့၊
သူအလိုမကျတဲ့အခါ
ချော့မော့ဖို့ကို
အထက်အရာရှိက ပေးအပ်ထားတဲ့
တာဝန် ဝတ္တရား တစ်ခုလို
ကျေပွန်စွာ ထမ်းဆောင်တတ်တဲ့
ကောင်မျိုးကို ပြပါဆိုရင်
ကျွန်တော့်ကိုသာ
လက်ညှိုးဝိုင်းထိုးကြစမ်းပါဗျာ။
-မင်းလူ
(အမည်မဖော်လိုသူအချစ်- မှ)
No comments:
Post a Comment