"ငရဲမှာ အရှင်လတ်လတ်"
လမ်းလည်း မလွတ်ပါဘူး
သစ္စာပန်းများ ညှိုးရော်
ကားတာယာတွေ မီးပုံရှို့
မီးခိုးရဲ့ နေရပ်လိပ်စာ
လာရာလမ်းကို စုံစမ်းစရာမလို
စွန့်လွှတ်သူတို့ သွားခဲ့ကြပြီးပြီ
ကြွေးကြော်သံတွေ အရပ်ရှစ်မျက်နှာ
မျက်ရည်မှာ လက်သီးလက်မောင်းတန်းလို့
တအိမ်ထဲဆိုလည်း
ကမ္ဘာကို ချိတ်ဆက်
အားမလျော့သော မီးလျှံတွေ
ခွင့်လွှတ်ပါဘုရား
ထိခြင်းငါးပါးမှာ
ထောင်ထားတဲ့ လက်သုံးချောင်းမပါသေးတဲ့အတွက်
အဓမ္မကို တော်လှန်သောတရားဓမ္မ
ဘုရားတားလည်း
သည်လမ်းကို ဆက်လျှောက်မယ်။ ။
-မိုးရင့်ကြယ်
No comments:
Post a Comment