နေ့စဉ်ရက်စက်
__________________
စားစရာလည်းမရှိ ပြေးစရာလည်းမရှိ
စီးစရာ စက်ဘီးလေးတွေရှိလို့တော်သေး
ထိုင်းမှာလည်း ကွန်ဒိုသွားပြီးမဝယ်နိုင်
စစ်ကိုင်းမှာလည်း သွားကူပြီးမတိုက်ပေးနိုင်
ကြက်ဥကြော်ရင် တစ်ယောက်တည်းပဲစားလို့ရတယ်
ကန်စွန်းရွက်ကြော်တော့ အကုန်စားရတယ်
ဘယ်နှလုံးသားတက်တက်
ကိုယ်ချစ်မှကိုယ်ရတာဆိုတဲ့သတ္တဝါတွေတောင် အခုတော့ ငေါင်စင်းလို့
စောစောစီးစီး ကျက်သရေမရှိတဲ့မနက်ခင်းမှာ
ဒေါ်လာလည်းမရှိ ရွှေလည်းမရှိ
ဓာတ်ဆီလည်းမရှိ သေနတ်လည်းမရှိ
ဘယ်ကုန်သည်မှ အရှုံးခံပြီး
ဘာမှမရောင်းဘူး
နတ်ဘုရားဆိုတဲ့ဝယ်သူတွေသာ အရှုံးခံပြီး
အကုန်ဝယ်ရတယ်
ဒီနေရာမှာ ကျန်ရစ်ခဲ့တဲ့သူတွေသာ
အချိန်မရွေး စိမ်ခေါ်ခံနေရတဲ့နေ့များ
အခုပဲ မီးပြန်လာတယ်
အခုပဲ မီးပြန်ပျက်သွားခဲ့တယ်
အရေးတော်ပုံကတော့
ရှုံးစရာ တစ်စက်မှမရှိဘူး ။
#အောင်ခိုင်မြတ်
🤝🤝
ReplyDelete