မငြိမ်းချမ်းတဲ့ ငြိမ်းချမ်းရေး သမိုင်း

မငြိမ်းချမ်းတဲ့
ငြိမ်းချမ်းရေး သမိုင်း
🕊️ ☮️🕊️ ☮️🕊️ ☮️🕊️ ☮️🕊️

ဆင့်ကဲ ဆင့်ကဲ
ဖြစ်ထွန်းမှုတွေနဲ့
ယဉ်ကျေးမှုတွေ
ပြောင်းလဲတိုးတက်နေတဲ့
ကမ္ဘာ့ လူဘောင်ကြီးဆို...

ခုတော့လည်း
ကမ္ဘာဦး ကျောက်ခေတ်
အားကြီးသူ အနိုင်ယူစတမ်း
စိတ်ဓါတ်တွေနဲ့
တောရိုင်းဥပဒေတွေက
မင်းမူ လို့စိုးမိုးနေတုန်း...

အာဏာဟာ
သေနပ်ပြောင်းဝက
လာတယ်တဲ့ ကလေးရေ...


စစ်မြင်းတွေ ခွာသံပေး
ကစုန်ဆိုင်းလိုက်တိုင်းမှာ
အသိုက်အမြုံ တွေ
မီးဟုန်းဟုန်းတောက်ရ..
အနာဂတ် တွေ လည်း
ပျောက်ရှ
ဘဝတွေလည်း ပျက်ရ
အသက်တွေလည်း သေရ

အချုပ်အခြာ အာဏာ
နယ်မြေပိုင်ဆိုင်မှုတွေနဲ့
နိုင်ငံတော် တဲ့
လွတ်လပ်ရေး၊ငြိမ်းချမ်းရေး
သိပ်ကို ခမ်းနားတဲ့
ဂုဏ်ဒြပ်တွေနဲ့
ကြီးမြတ်တဲ့ .....
စကားလုံးတွေပေါ့ကွယ်

အကျိုးစီးပွား အတ္တတွေနဲ့
လူကြားကောင်းအောင်
လှိုင်လှိုင်သုံးနေလိုက်တာများ
တကယ့်ကို
သူတော်စင်ကြီးတွေနေတဲ့
ကမ္ဘာကြီး တစ်ခုလို...

ငြိမ်းချမ်းရေး သမိုင်းကို
သွေးတွေနဲ့ပဲ ရေးခဲ့ကြတာများ
သမိုင်းတကျော့
ပြန်လည်လာရင်
မငြိမ်းချမ်းခဲ့တဲ့
ငြိမ်းချမ်းရေး
ရှာဖွေသူ ဝိဉာဉ်တွေက
ဟားတိုက်ပြီး ရယ်မောနေရော့မယ်

ဝမ်းနည်းစရာပါပဲ
ငါတို့အိမ်
ခေါင်မိုးမလုံခင်မှာကို
ကမ္ဘာကြီးက
မည်းမည်းမှောင်
နေပြန်ပါရောလေ...။

/ငရာ/