"ဓာတ်ပုံဟောင်း"

"ဓာတ်ပုံဟောင်း"

ဒီထက်မလျှော့နိုင်ဘူး ဆိုပေမဲ့

လျှော့ခဲ့ရပါပြီ ငါလူဟာ၊ ငါ့ပမာ

ကြေးအိုးပမာ၊ ဘောလုံးပွဲပမာ

မုသားပမာ။

တစ်ခါသုံးဆေးထိုးအပ်ကို စွန့်ပစ်သလို

လူငယ်လေးတစ်ယောက်ဟာ စွန့်ပစ်ခံရလို့

သူ မခံနိုင်ဘူး။

ဓာတ်ပုံကျောဘက်မှာ စာတွေ ရေးထားတယ်

ငါတို့အကြောင်းလို့ ထင်ရတယ်

ဒါပေမယ့် မဟုတ်ပါဘူး

မဟုတ်ရှာပါဘူး

မြစ်ဘက်က မြစ်လေတွေ မြို့ထဲဝင်လာပုံ

သူ့ဘဝထဲ မိန်းကလေး ခြေဖြင့် နင်းဝင်လာပုံ 

သူဖျားပုံ

သူ အလုပ်အကိုင် အဆင်မပြေပုံ 

မြေပုံပဲ ။

အဲ့ဒီမြေပုံဟာ

ငါတို့ပဲ။  ။

-အောင်ချိမ့်