နိုင်ငံတော်သီချင်း ၁၄
ငါတို့လက်တွေဟာ
ကိုယ့်လိင်တံတွေကို ဆုပ်ချင်ဆုပ် ဒါမှမဟုတ်
သံဆူးကြိုးတွေကို မလွှတ်တမ်းဆုပ်လို့
မရဏကမ္ဘာဆီ အတူသွားဖို့
ကတ် (Kurt) က ငါတို့ကို ဖိတ်ခေါ်ခဲ့တယ်
ဂစ်တာကို ဘယ်လက်နဲ့တီး
ပြီးရင် သေနတ်မောင်းကို ညာလက်နဲ့ဖြုတ်
လူငယ်ဘဝရဲ့အနှစ်ချုပ်ကတော့ဒီလောက်ပါပဲ
အလံတော်ကြီးအောက်မှာပဲ
ငါတို့ဂစ်တာတွေကို ထားရစ်ခဲ့တယ်
ငါတို့ဘဝတွေကိုတော့ သဲပူပူထဲမှ လိပ်ဥများပမာ
လက်ကြီးတဖက်က နှိုက်ယူသွားခဲ့တယ်
သင်၏ အဖဘုရားသခင် နိုင်ငံတော်။
-အောင်ခင်မြင့်
No comments:
Post a Comment