"တတိယဆုတောင်း

"တတိယဆုတောင်း"

မောင်သာ…

ရွက်ဝါလေးများဖြစ်ပါလျှင်။

ခင့်ကိုယ်ပေါ်တစ်ပင်လုံး

သိမ်းကျူံးကြွေချင်။

မောင်သာလေ..

နေကလေးဖြစ်ပါလျှင်။

ခင့်အိပ်ရာပြတင်းပေါက်

မေးထောက်ကာမျှော်မဆုံး

တစ်သက်လုံးနေမဝင်။

ဒါပေမဲ့ချစ်သူခင်

မျက်နှာမြင် မုန်းချင်သတဲ့။

သည်လိုသာဆိုရင်လည်း

နောက်မချစ်ရဲအောင်

ကျောက်စရစ်ခဲလေးအသွင်သာ

မောင်ဖြစ်ပါစေချင်ကြောင်း

ဆုတောင်းမိလေရဲ့။ ။

 -သစ္စာနီ