တော်လှန်သော relashionship
`````````````````````````````````````````````````
"လွမ်းလိုက်တာ" တဲ့
ရန်သူကို သေမယ့်လမ်းပို့တဲ့သူလည်း
ချစ်သူလေးကို သေမတတ်လွမ်းတတ်တယ် ။
အရင်က
ချစ်သူလက်ကလေးကို နူးနူးညံ့ညံ့ကိုင်ဖူးတဲ့သူ
အလွမ်းတွေ
သွေးစွန်းလက်နဲ့ ပွေ့ယူခဲ့မယ်ဆိုတော့
ရန်ဖြစ်တာ မကြိုက်တတ်တဲ့သူမ
ရန်သူ့သွေးမှ ခြေဆေးပါ့မယ်တဲ့ ။
အိပ်မက်တွေအတူမက်တတ်တဲ့သူ
မျှော်လင့်ချက်တွေ ခိုးယူခံရတော့
ကိုယ်က သေနတ်ကိုင်တဲ့အခါ
သူမ,ဟာ Clicker တစ်ယောက်အဖြစ်
အမှန်တရားအတွက် အတူစစ်မျက်နှာဖွင့်ကြတယ် ။
လောကဓံကို အတူဖြတ်ကျော်နိုင်ဖို့
အာဏာရှင်ဟာ လေ့ကျင့်ရေးကွင်းကောင်းပဲ
မောင်းခလုတ်ဆွဲရတဲ့အခါ
သူမ,အတွက် အားပိုထည့်ပါတဲ့
အရင်က တီတီတာတာချွဲတတ်သူလေး
အခု တော်လှန်သွေးတွေ အပြည့်နဲ့ ။
ဖုန်းချလို့နှုတ်ဆက်တဲ့အခါ
အရေးတော်ပုံ အောင်မှာပါ တဲ့
ဖုန်းပေါ်က နမ်းတဲ့အနမ်းတွေ
တော်လှန်စိတ်နဲ့ ချိုမြိန်နေပါရဲ့
သံယောဇဥ်ကို အဓမ္မဟာမယှဉ်နိုင်ခဲ့ပါဘူး ။ ။
BETA
No comments:
Post a Comment