လူသေကောင်တွေရမယ်ဗျို့....
လူသေကောင်တွေရမယ်
အလွှာပေါင်းစုံ
နေရာပေါင်းစုံက
အလောင်းကောင်တွေရမယ် ...
အနာဂတ်အိပ်မက် တွေပျက်ကျသွားတဲ့
လူသေကောင်တွေရမယ် ။
လာဝင်ကြည့်ပါအုံးဆရာကြီးရဲ့....
ဟော့ဒါ ကကျောင်းသားလေး
ဒါကတော့ အားကစားသမားလေး
ဒါကတော့ ဆရာဝန်ဗျ
ဟော ဟော့ဒါက ဆရာကြီးရေ
သူနာပြုလေးဖြစ်တယ်
အယ် ဒီတစ်ယောက်ကတော့
အင်ဂျင်နီယာ လေးဗျ
ဒါလေးကတော့ ကျောင်းဆရာလေးဗျာ
ဟော့ဒါလေးကတော့ကဗျာဆရာ
ဒါက အဆင့်အတန်းလေးခွဲပြီး
ပြထားတာ ။
ဒီဘက်အခန်းထဲကတော့ ဗျာ
ရွာသားတွေ ဗျ
ဟော့ .. ဒီအဘွားအိုကြီးကတော့
အိမ်နဲ့အတူမီးရှို့ခံရတာဗျ
ဒီအဘိုးအိုလား .. နောက်ပြန်ကြိုးတုပ်ပြီး
နောက်စေ့ ကိုတေ့ဖြုတ်ခံထားရတာ
သူချည်းမဟုတ်ဘူး ဒီအမျိုးသမီးကြတော့
ကိုယ်ဝန်ဆောင်ကြီးနဲ့ဗျ
ဒီဘက်တစ်ယောက်ကြတော့ မသေခင်
အဓမ္မကျင့်ခံရထားတာဗျ ...
အစုံပဲဗျာ .. အစုံပဲ
ကဲကဲ ဒီတခန်းကတော့ မြေမြုပ်မိုင်းတွေထိပြီး
ပြတ်ကျန်ခဲ့တဲ့ အရပ်သားတွေရဲ့
ခြေတွေလက်တွေပဲဖြစ်တယ်
အယ်... ဒီ ဘက်ကတော့ အိပ်မောကျနေတုန်း
၁၂၀ မမ ၆၀ မမတွေ ထိပြီးရုပ်ပျက်ဆင်းပျက်
ဖြစ်ခဲ့ရတဲ့အလောင်းကောင်တွေပေါ့
ဒီဘက်က ကလေးအလောင်းကောင်တွေက
ကစားရင်း လက် နက်ကြီးကျလို့ဗျို့ ...
ကဲဒီဘက်အခန်းလေးတွေထဲကတော့
တော်လှန်ရေးရဲဘော်တွေပေါ့ဗျာ
သူတို့တွေကိုတော့ဘယ်လောက် ပေးပေး
မရောင်းဘူးဗျ ။ တမြတ်တနိုးသိမ်းထားတာ
ဒီကောင်တွေသာအသက်ရှင်ရင်
ဒီကောင်တွေဘာတွေလုပ်မလဲဆိုပြီး
ထိုင်ကြည့်ချင်သေးတာဗျာ
ဟော ဒီရဲဘော်ဆို မသေခင်က ဂစ်တာတီးကျွမ်း
တာဗျ တော်လှန်ရေးကြီးထဲကိုမရောက်ရင်
ဒီကောင်ကြီးက အခုဆို တော်တော်လေး
အနုပညာ ခရီးကိုပေါက် နေလောက်ပြီ
ကဲ ဒီရဲဘော်ကြီးကတော့ သူ့အမေကိုသိချစ်တာဗျ ဒီရဲဘော်ဆိုဗျာသူကျခါနီးမှာ သူ့အဖေကိုတောင်
ဖုန်းတွေပြောသွားသေးတာ
ဟား... ဒီရဲဘော်ကတော့ ဟင်း ချက်သိပ်ကောင်းတာလေ
ဆရာကြီး နည်းနည်းနောက်ဆုပ်
ဒီဒုတိယ အလွှာရဲ့ ညာဘက်ရဲဘော်ကတော့
သူ့စခန်းဝင်အစီးခံရချိန် တစ်ယောက်တည်း
ယှဥ္ပစ်ရင်း အသေခံကာကွယ်ပေးသွားတာ
ဒီရဲဘော်ကတော့ ငှက်ဖျားနဲ့ဆုံးထားတာပါ
ဒီရဲဘော်ကြတော့ ပညာရေး CDM ထဲကဗျ
သူ့မှာသိပ်ချစ်ရတဲ့ ကောင်မလေးရှိခဲ့တယ်
ဒီရဲဘော်ကြတော့ မြို့ကြီးသားဗျ
တော်တော်ရယ်ရတာပဲ သူဌေးသားလို
စားနိုင်သောက်နိုင်တာတောင် ဒုက္ခလာခံ
သွားသေးတာဗျ ။ သူတို့လည်း ကျွန်တော်တို့
ဆရာကြီးတို့လို လူသားတွေပဲဗျ
နှလုံးသားတွေနဲ့ပဲ လေ ...
ပြောလို့ကုန်မှာမဟုတ်ပါဘူး ...
ဒါတောင် ၄၄ လမ်းက တိုက်ပေါ်ကနေ
ခုန်ချတဲ့ ရဲဘော်တွေကိုမပြရသေးဘူးရယ်
ပွင့်ဖြူ ကရဲဘော် ၁၂ လောင်းကတော့
လတ်လတ်ဆတ်ဆတ်ပဲရှိသေးတာ
ကဲ .. ဒီဘက်အခန်းထဲကတော့
ဘယ်တော့မှပြန်မရနိုင်တဲ့အနုပညာတွေနဲ့
လူသားလေးပေါ့
သူ့နာမည်ကတော့ " ကိုရေမွန်တဲ့ "
နောက်လည်းလာကြည့်ပါနော်
ဒီဆိုင်က ဒီနိုင်ငံမှာပဲရှိတာဗျ
ကဲဆရာကြီးရေ...ပြန်လိုက်အုံးဗျ
ဆရာကြီးရဲ့ မိသားစုတွေမျှော်နေလောက်ပြီ
SittAung
အလောင်းကောင်ဆိုင်
No comments:
Post a Comment