ခံစားချက်တွေကိုလာဘ်ထိုးတာ
ကမ္ဘာကြီးကိုငုံ့ကြည့်လို့ရရင်ကောင်းသား
လူတွေအကြောင်းပိုသိချင်မိတယ်
နောက်၁၀နှစ်အကြာဆိုတဲ့ ရုပ်ရှင်တွေထဲက
အဖြူအမဲပြကွက် အပြင်မှာရှိရင်ကောင်းမယ်
ချစ်ခြင်းမေတ္တာကို
စျေးဘယ်လောက်သတ်မှတ်ကြမလည်း
ပန်းတွေကို ဘယ်တော့မှမကြွေစေချင်ဘူး
ကော်ဖီတွေကို
ဘယ်တော့မှမအေးစက်စေချင်ဘူး
ကမ္ဘာ့ပထမဆုံး ကဗျာကိုဘယ်သူရေးခဲ့လည်း
စီးကရက်နဲ့ပီကေကို လိုတိုင်းရချင်မိ
တိမ်တိုက်တွေကြား ဘောလုံးကန်ချင်တယ်
ဆက်ဆံရေးတွေနဲ့ချည်နှောင်တဲ့ကြိုးတိုင်း
အမြဲတည်မြဲရှိရင် ပျော်ဖို့ကောင်းမှာ
နိဗ္ဗာန်နဲ့ငရဲဘယ်နှမိုင်ကွာကြလည်း
မြတ်စွာဘုရားရဲ့ခြေတော်ကိုဖူးမျှော်ချင်တယ်
နေရောင်ခြည်ရဲ့
နွေးထွေးမှုကို တစ်ဝကြီးခံစားရမယ့်
နေကြာပန်းတွေကြားမှာ
တိတ်တိတ်လေး တိုးတိုးလေး
လွတ်လွတ်လပ်လပ် အိပ်ပစ်ချင်တယ်
-ကျွန်တော်
No comments:
Post a Comment