"လိပ်ပြာ"

ပတ်ဝန်းကျင်ကို

ဂရုမစိုက်သလိုနေနိုင်ဖို့ 

Dark sideထဲထည့်လိုက်ရတဲ့

အမှန်တရားတွေကမှ အများကြီး

လူတွေအားလုံးက

 ကိုယ့်အကြောင်းနဲ့ကိုယ်ပဲဆိုတော့

အမှားတရံတွေအတွက်လည်း

ထွေထွေထူးထူး ခံစားမနေတော့ဘူး

အချင်းချင်းမှာလည်း

ဒဏ်ရာချင်းအတူတူ 

ဘယ်သူပိုနာကျင်လဲ 

​ပြိုင်မနေချင်တော့ဘူး

မြေလှန်တာချင်းအတူတူ

ဘယ်နေရာပိုနက်လဲ

နှိုင်းမနေတော့ဘူး

ပြာကျတာချင်းအတူတူ

ဘယ်အရပ်ကပိုများလဲ

ယှဥ်မနေချင်တော့ဘူး

ရင်ဘတ်ထဲက ဆူးကို

ကိုင်မထားရင်း

အသက်ကို 

ဖြည်းဖြည်းရှူကြရမယ်မဟုတ်လား

သန်မာတဲ့လူက

မတ်တပ်ရပ်နိုင်မယ်

ယုတ်မာတဲ့လူက

ဒဏ်ခတ်ခံရမယ်

ကမ္ဘာကလည်းလည်တယ်

သံသရာကလည်းလည်တယ်

ငါတို့လည်းလည်ရမယ်

ဘဝထိုထို တက္ကသိုလ် မှာ

လိပ်ပြာလှလှလေး

တစ်ကောင်လောက်က 

ကိုယ့်ဘေးအနားလာဝဲပျံနေရင်ပဲ ဟုတ်လှနေပါပြီမှတ်ယူရမယ်

လိပ်ပြာလေးဝဲပြီးပြန်လာဖို့

ငါတို့တတွေ

လည်လည်ဝယ်ဝယ်နဲ့

နေရာလေးသန့်ရမယ်လေ —

Sêcrêt Pâl