မြို့ပြရဲ့မီးရောင်များအောက်

မရှိမဲ့ရှိမဲ့ ကဗျာတွေအကြောင်းရေးစပ်သီကုံး

အတွေးတွေက ဟိုတစ်စဒီတစ်စ

အိပ်မက်တွေရဲ့အနားသတ်မျဥ်းတွေက

ထောင့်မတ်ကျနိုင်ပါ့မလား

နယူတန်ရဲ့ကမ္ဘာတွင်စကားကို

ဘဝမှာအတည်မှတ်ပြီး ပေးဆပ်ခဲ့ပြန်

ဟိုလူဒီလူတွေရဲ့သတ်မှတ်ချက်တွေကို

စည်းကမ်းတစ်ခုလိုမှားမှတ်နေခဲ့

ပူရှိန်းနဲ့စီးကရက်ဟာလိုက်ဖက်တယ်ထင်

အနက်ရောင်ယဥ်ကျေးမှုဟာ

ကမ္ဘာကြီးရဲ့ရိုးရာဖြစ်နိုင်လား

ဦးဘညွှန့်ရဲ့ချစ်ဒုက္ခလို ချစ်မိလိုက်ချင်

ကျွန်တော်ဟာ 

ဆံပင်ရှည်သလိုလျှာရှည်တယ် 

စပ်စုတယ် တုံးအတယ်

လူငယ်ဖြစ်တဲ့လျောက် လူငယ်ပီပီ 

ဂျစ်ကန်ကန်မေးချင်ပါတယ်

ဟစ်တလာသာရဟန်းကျင့်ကြံခဲ့ရင်

ကမ္ဘာတစ်မျိုးပြောင်းသွားနိုင်လား

-ကျွန်တော်