လောကငရဲမှာ ဖွင့်ဟချက်

ပူပြင်းလှတဲ့ ရာသီအောက်ဝယ်

လူမသိသူမသိတဲ့ လောကငရဲတစ်ခု

ထပ်ရှိနေ သေးကြောင်း

ကိုယ် မဖွင့်ဟချင်ဘူး မာရီယာ

ဘာလို့ဆို.....

အရာအားလုံး ဟာ သူ့အပူနဲ့ သူမဟုတ်လား

အမှန်တရားဆိုတဲ့ အရာကြောင့်

အမှားလုပ်တဲ့သူတွေ ချတဲ့ ပြစ်ဒဏ်

ခံရတာကိုတော့ ကိုယ့်မှာ အောင့်သက်သက်ရယ်

လောကကြီးမှာ

အနိုင်ရတဲ့သူကသာ မှန်စမြဲဆိုတဲ့အသိ

နှောင်းလူတွေအထိ မရောက်သွားခင်

အမှန်တရားသာ အနိုင်ရစမြဲ ဆိုတာလောက်တော့ သက်သေပြ ချင်တာပါ။

အခွင့်ရရင်တော့ အကုန်လုံးကို

ပြောပြ ချင်ပါသေးတယ်

ဒီတော်လှန်ရေးအတွက်

ကျနော်တို့ဟာ တာဝန်မကျေခဲ့ကြောင်း

လမ်း ခုလတ်တစ်နေရာ ကျကျန်ခဲ့ပေမယ့်

ကျနော်တို့ဟာ တက်စွမ်းသလောက်

ကြိုးစားနေသေး ကြောင်းကိုပေါ့။

# သျှမ်း