စစ်အတွင်းအိပ်မက်

ချစ်သူနှုတ်ခမ်းပေါ်

လမ်းလျှောက်နေမိတယ် ။

ဟော လမ်းလျှောက်ရင်း

ကောက်ရတဲ့

သူရဲ့နှုတ်ခမ်းဆိုးဆေးတောင့် ။

အို တဖြည်းဖြည်းကြည့်ရက်က

စက်သေနတ် ကျည်ခွံဖြစ်သွားပြီး

ချစ်သူ့နှုတ်ခမ်းကလည်း

သွေးစွန်းနေတဲ့ တောင်ကုန်တစ်ခုပါလား ။

ချစ်သူ ဘယ်မှာလဲ

မှောင်မည်းမည်းည ၊ ချွေးစီးယိုကပ်

လန့်ဖျပ်နိုးတော့

ဟိုး ခပ်ဝေးဝေးဆီက

သဲ့သဲ့ကလေးပဲ

တိုက်ပွဲဖြစ်သံ ကြားနေရတယ် ။

- သစ္စာနီ