လူမဆန်သော  လူထဲကလူ

ပခုံးနှစ်ဖက်ကြား  ခေါင်းပေါက်လို့သာ

လူလို့ခေါ်တွင်   

အသိဉာဏ်  စာနာစိတ်က

လူနဲ့မတူ  တစ်မူကွဲပြား

လူ့ဘီလူးများနှင့်  မခြားသာ

သေနတ်မောင်း  ပြောင်းလှည့်

တဒိုင်းဒိုင်း ပစ်ခတ်လို့

လူလိုသိ လူစိတ်ရှိသူတို့

ဦးနှောက်ကို တရှိန်ထိုး  ဖောက်ကာသွား

ထိုကျည်ဆံတို့ ကခုန်ကာပြေးလွှားလို့

ဖြာကနဲ သွေးစက်တို့  စင်ထွက်ကာသွားတော့မှ

ဒါလားဟဲ့   အာဂသွေး   ရဲရဲနီပေသကိုး

တစ်ခါကသမိုင်းရိုင်းခဲ့ပေမယ့်  

ဒီတစ်ခါရေးတဲ့သမိုင်း  ဂျင်းစော်မနံစေဖို့   

လူမဆန်တဲ့   လူထဲကလူတွေအတွက်

စာနာညှာတာဖို့အချိန်   ကုန်လွန်သွားခဲ့ပြီ

သွေးကြွေးမှာ  ဆွေးနွေးသွေးအေးစရာမရှိ

အသာနေရင်တော့ အသေနာဖို့လမ်းသာမြင်

အနည်မပါတဲ့  ရေကိုရဖို့  တို့တွေဟာ

စ(ဇ)ကာပေါက်ဖြစ်မယ်ဆိုရင်တောင်

တို့စ(ဇ)ကာပေါက်လေးတွေ

တွဲလက်ညီကြစို့......

  

                                       ThaeNu