Padမရှိတဲ့အ‌ကြောင်း

တောထဲမှာ 

Pad မရှိဘူး.

စ က စ တွေ ဝိုင်း ထား ဆိုမှ

Menstration လာတယ်

Pad မ ရှိ ဘူး

အင်္ကျီစ ဖြဲ ဆုတ်

အခုအခံ လေး က မလုံ

သွေး ဆင်း တာ များ

ယောက်ျားလေးမ ဟုတ်တာ နာ တယ်

Pad မရှိဘူး

ဗိုက်ထဲ ကလည်း ထိုး အောင့် နေ…

Pad မရှိဘူး

အဝတ်စ နဲ့ မရတော့

ပလတ်စတစ် လေးတွေ စုထပ်

အဝတ်စ နဲ့ ပတ်

မဆိုးပါ ဘူး

စိမ့် ပေါက်သမျှတော့ စွန်း ထင်း…

အိမ် မှာတုန်းက

Pad တွေ အများ ကြီး

ခု တော ထဲမှာ

Pad မရှိဘူး

တခါ သုံး မဟုတ်တော့

သုံးတဲ့ ပိတ်စလေးတွေ

 ပြန်လျှော်အ ခြောက် လှမ်း

ပြန် သုံး

Pad မှ မရှိ တာ…

အိမ် မှာ လို

ထမီ လည်း မရှိ

မိန်းခလေး အားလုံး ပေါင်း မှ

ရေ လဲ တထည်…

ရဲဘော် တယောက်

လာပေး တဲ့ ပုဆိုး တထည်

ဝတ် ရတယ်

စွန်းပေ ရင်း လှည့် ဝတ် ရင်း

ဒီ ရက်တွေ ဖြတ်သန်း

Pad မှ မရှိ တာ…

ပုဆိုး ကို

 သေချာလျှော်ဖွပ် ထားပေမယ့်

 ပြန်ပေး ဖို့ အားနာ

စိတ်သန့် ပါ့ မလား

ဘုန်းနိမ့် တယ် တို့ ဘာ တို့…

ဟာ ဗျာ

ထမီ ခေါင်းပေါင်းပြီး

သပိတ် ထွက် ခဲ့ တာပါ ဗျ

စစ်ခွေး တွေ ကို

ထမီ တန်းအောက်က 

တော်လှန်ခဲ့ တာ တွေ

 ပြန် ယူသွား ပါ့ မယ်

အားမ နာ နဲ့…

ကျနော်တို့ထက်

ပို ပင်ပမ်း နေမယ့်

အစ်မ အတွက်

Pad ထွက် ဝယ်ပေး ဖို့ရာ

အဆင် မပြေ ခဲ့တာ

တောင်းပန် တယ်…

Pad မရှိ ပေ မယ့်

တော် လှန်ရေး ဟာ

ရင့် ကျက် နက် ရှိုင်း ခဲ့…

Pad မရှိ ဘူး.။   ။

                    

#ဆွေရည်လင်း