"အလှဆုံးခေတ်"

အကျဉ်းကျနေတဲ့နေရောင်အောက်မှာ

အသက်ရှူရတာကအစ မလွတ်လပ်

လေဟာ

မောပမ်း

မြေဟာ

နွမ်းနယ်

ဝေးကွာခြင်းဟာ

မီးရထားသံလမ်းများကို

အရည်ပျော်ကျသွားစေတယ်

စစ်ကြီးပြီးရင်

ခန်းစီးအသစ်တွေလဲကြမယ်

ပျော်စရာကောင်းတဲ့

ဖျော်ရည်တွေသောက်ကြမယ်

ဘုရားစင်ပေါ်မှာ

အလှဆုံးနှင်းဆီပန်းတွေ ပူဇော်ကြမယ်

တောင်းရမယ့်ဆုက

ချစ်သူများသာ အဓွန့်ရှည်ပါစေ။

-ကြည်ဇော်အေး

Art crd to uploader from Phaw Way didn't say "No way" (Minn PK)