The Modern

တစ်နေ့နေ့မှာတော့

အမှန်တရားဟာ အသက်ရှုချောင်တော့မပေါ့

ခေတ်ပျက်ကြီးထဲ ရေးသားခဲ့သော

ဤဘာမှန်းမရေရာ စာတွေက

သံတိုင်နောက်သွားဖို့ လုံလောက်များနေမလား

တစ်ယောက်ကိုတစ်ယောက်စကားနဲ့ဆက်သွယ်ကြ

စာလုံးတွေကိုခွန်အားရှိအောင် ပေလွှာပေါ်ရေးတင်ရ

စာပန်းချီခြယ် ရင်ဝယ်ရှိသမျှရေးချခြယ်ရ

ဪ‌နားလည်ရခက်ပေသော ပန်းချီကားပေပေါ့ဗျ

ဤနိုင်ငံမှာခြယ် ဤနိုင်ငံမှာမဝယ်ဘူးဗျ

ငါတို့ဟာအလကား ငါတို့ဟာပြိုင်စံရှား

မြေကြီးအောက်ရောက်ကာမှ ဦးနှောက်ကိုဖောက်ကာစား

နှလုံးရိုင်းအပုပ်ကိုသွေးပြီးခါကျ

တန်ဖိုးကြီးသံယဇာတ

သိမ်းပြန်ပဟ ငါတို့အဘ

ကိုးဆယ်နဲ့ခြောက်မျိုး ရောဂါလိုဆိုးလှတဲ့

ဦးနှောက်ထဲကဆဲလ်တို့တွေရဲ့ အားပေးမှုတလွဲ

ကုရာနတ္ထိဆေးမရှိတာ မျက်မြင်ပါပဲ

ကုန်လွန်ပြီးသော အနှစ်၇၀

ရပါတယ်

ရပါတယ်

ရပါတယ်

ခံစားကြည့်လို့တကယ်ပဲရပါတယ်

ဖြေသံစကား

ကြားချင်မိပါရဲ့

ငါရေးခြယ်ထားသော ပန်းချီကားမယ်

ဆင်ဆာဖြတ်စရာ နီနီဝါဝါပါပါတယ်

ဤသည်ကား အနုပညာမည်၏

အဓိပ္ပာယ်ဟူကား ရေရာလှသည်မရှိ

ကြည့်သူတို့

ထိ

မိ

ရှိ

မရှိ

မင်းလည်းသိတယ်

ငါလည်းရှိတယ်

အနီဆေးတို့ ရေးရေးလေးခြယ်တိုင်း

သမိုင်းကိုကြည့်တယ်

ဘယ်အရောင်နဲ့ ဘယ်ကဗျာ

လိုက်ဖက်လို့နေမလဲ

ငါလည်းမသိ

ခြယ်သရင်းကြည့်ရင်း

ပေါ်လွင်လို့ရှင်းလင်းသမျှ

အခင်း

အကျင်း

အလင်း

အမှောင်တို့သာ

ကဗျာနဲ့ပန်းချီကို

ရေး

ခြယ်

သီ

ငါရဲ့ဆိုက်ကိုပန်းချီ

နားလည်ရခက်ပါသည်။

#Tommy