အကုန်လုံးလွတ်ရင်လွတ်

အကုန်လုံးငတ်ရင်ငတ်

အို အမှောင်ထုထဲမှာ လဲလျောင်းနေတဲ့ ကျေးကျွန်

သင် လွတ်မြောက်အောင် ဘယ်သူက 

လွှတ်ပေးမှာလဲ

အသင့်ကို ကျေးကျွန်အချင်းချင်းသာ

မြင်နေ တွေ့နေပါတယ်

အသင်တောင်းဆိုတာ ငိုကြွေးတာလည်း

ကျေးကျွန်အချင်းချင်းသာ ကြားရတယ်

ရဲဘော်ကြီးရေ....ကျေးကျွန်အချင်းချင်းကသာ

သင်လွတ်မြောက်အောင် ကူလိမ့်မယ်။

အကုန်ရင်ရ မရရင် တစ်ခုမှ မလိုချင်ဘူး

အကုန်လွတ်ရင်လွတ် မလွတ်ရင်

တစ်ယောက်မှ မလွတ်ချင်ဘူး

တစ်ယောက်တည်း လွတ်သွားလည်း

သူ ရပ်တည်နိုင်မှာ မဟုတ်ဘူး။

သေနတ်လား၊ချုပ်အနှောင်သံကြိုးလား၊ရွေးကြစို့။

အကုန်ရရင်ရ မရရင် တစ်ခုမှမလိုချင်ဘူး

အကုန်လွတ်ရင်လွတ် မလွတ်ရင်

တစ်ယောက်မှ မလွတ်ချင်ဘူး

ထမင်းဆာလို့ အငတ်ငတ်အပြတ်ပြတ်နဲ့

ထမင်းတောင်းနေတဲ့ အသင်လူငတ်ကြီး

ဒို့ဆီလာခဲ့ပါ၊ဒို့လည်း ငတ်နေတယ်

ဒို့အငတ်အဖွဲ့နဲ့အတူ မငတ်အောင်

ရှာကြံစားကြမယ်

လူငတ်ချင်းသာ မင်းငတ်နေတာ နားလည်ပြီး

ရှာကြံကျွေးမယ်။

အကုန်ရရင်ရ မရရင် တစ်ခုမှ မလိုချင်ဘူး

......................................................................

.......................................................................

အကုန်လွတ်ရင်လွတ် မလွတ်ရင်

တစ်ယောက်မှ မလွတ်ချင်ဘူး။

အရိုက်ခံရလို့ မေ့မျောလဲကျနေတဲ့

အဖိနှိပ်ခံသူရေ

မင်းအရိုက်ခံရတဲ့အတွက် ဘယ်သူက

လက်စားချေပေးမှာတဲ့လဲ

မင်းလိုပဲ အရိုက်ခံရတဲ့လူတွေက မင်းကို

လမ်းခေါ်နေကြတယ်

ဒို့လည်း အ ရိုက်ခံရတာမို့ ကိုယ်ချင်းစာပြီး မင်းကို

စိတ်ဓါတ်မကျအောင် အားပေးနေတာပါ

ရဲဘော်ရေ...

မင်းအတွက် ဒို့လက်စားချေပေးမယ် လာခဲ့

အကုန်ရရင်ရ မရရင် တစ်ခုမှ မလိုချင်ဘူး

.......................................................................

အကုန်လွတ်ရင်လွတ် မလွတ်ရင်

တစ်ယောက်မှ မလွတ်ချင်ဘူး။

ဟေ့ စိတ်ဓာတ် ချွတ်ခြုံကျအောင်

အဖိနှိပ်ခံရသလားဟေ့

သည်းမခံနိုင်လောက်အောင်

အစော်ကားခံရပြီဆိုရင်

ခံရတာတွေ  တစ်ကွက်ချင်း ပြန်တွေးပြီး

မခံချင်စိတ်မွေးစမ်း

ကြေကွဲစရာ ခံစားမှုတွေနဲ့ မရှိမဖြစ်တဲ့

လိုအပ်ချက်တွေအတွက်

ခုချက်ချင်း တိုက်ပွဲ၀င်ပါ၊

နက်ဖြန်ခါကို ဆိုင်းမနေနဲ့။

အကုန်ရရင်ရ မရရင် တစ်ခုမှမလိုချင်ဘူး

....................................................................

အကုန်လွတ်ရင်လွတ် မလွတ်ရင်

တစ်ယောက်မှ မလွတ်ချင်ဘူး။

                                           

ဗားတော့ဗရက်

မြန်မာပြန်ဆိုသူ......တင်မောင်အေး

.