"ပြန်လည်စုရုံး နှစ်​ခြောက်လုံး" "ကျေးလက်ပုန်ကန် မြို့ပြဖီဆန်"

"ပြန်လည်စုရုံး နှစ်​ခြောက်လုံး"

"ကျေးလက်ပုန်ကန် မြို့ပြဖီဆန်"

Silent strikeတို့ စည်ကားသပိတ်တို့စတဲ့

လူထုလှုပ်ရှားမှုနှိုး​ဆော်ချက်​​တွေအတွက်

နည်းလမ်း​တွေကို စဉ်းစားစီစဉ်ကြသူ​တွေဟာ

​မြေပြင်မှာ ​နေ့စဉ်လိုလို သပိတ်​မှောက်ဆန္ဒပြ​နေကြတဲ့

လူငယ်​လေး​တွေအဓိကပါဝင်ပါတယ်။ သူတို့​တွေကိုယ်တိုင်က​တော့ စစ်​ကောင်စီရဲ့ ဖမ်းဆီးနှိပ်စက် သတ်ဖြတ်မှုအန္တရာယ်​တွေကြားမှာ အသက်​ရောဘဝပါရင်းပြီး အရဲစွန့်လမ်းထွက်​နေကြ​ပေမယ့် ပြည်သူလူထုကို ပါဝင်ဖို့နှိုး​ဆော်မယ်ဆိုရင်

ပြည်သူထိခိုက်မှာကို အရမ်းစိုးရိမ်တတ်ကြပါတယ်။ ဒါ​ကြောင့်မို့လို့ silent strike ဆိုရင်လည်း လူတိုင်းနီးပါး အန္တရာယ်အနည်းဆုံးနဲ့ ပါဝင်နိုင်​အောင်ဆိုပြီး သူတို့​တွေ လမ်း​ပေါ်ထွက်ဖို့လိုအပ်တဲ့ရက်​တွေမှာ​တောင် လူထုမထိခိုက်ဖို့ ဦးစား​ပေးစိတ်နဲ့ လုပ်ခဲ့ကြပါတယ်။

အခုလည်း ၂၂.၂.၂၀၂၂ နှစ်​ခြောက်လုံး​နေ့မှာ လူထုတရပ်လုံးပါဝင်နိုင်မယ့် လှုပ်ရှားမှုအဖြစ် "စည်ကားသပိတ်" ရယ်လို့ နှိုး​ဆော်ကြပြန်ပါတယ်။

လူထုကို စစ်​ကောင်စီက လက်ဖျားနဲ့ထိတာ​တောင် မခံ​စေချင်ကြတဲ့ သပိတ်​ခေါင်း​ဆောင်လူငယ်​တွေက "စည်ကားသပိတ်"မှာ တိုက်တွန်းတဲ့ နည်းလမ်းက ကိုယ့်မြို့ကိုယ့်ရွာရဲ့ စည်ကားတဲ့​နေရာ​​တွေမှာ ပြည်သူ​တွေ အင်နဲ့အားနဲ့ သွားလာပေးကြဖို့​လေးပဲ ​တောင်းဆိုပါတယ်။

ဒီလိုစည်ကားသပိတ်မှာပါဝင်တဲ့အခါ တတ်နိုင်မယ်ဆိုရင်

(၁) ဦးထုပ်/ခ​မောက်​တွေ​ဆောင်းပြီး သွားလာကြဖို့

(၂) မျက်နှာမှာ သနပ်ခါးလိမ်းပြီး သွားလာကြဖို့

(၃) အဆင်​ပြေရင် ပန်း​ပွင့် ပန်းစည်း​လေးကိုင်ပြီး သွားလာကြဖို့ (ဒီထက်အဆင်​ပြေရင် စာရွက်တရွက်​ပေါ် ​​ကြွေး​ကြော်သံ​လေး​တခုရေးပြီ ပန်းပွင့်​တွေနဲ့အတူ ကြဲချခဲ့ဖို့)

(၄) ကိုယ်​ရောက်​နေတဲ့​နေရာက လုံခြုံ​ရေး အ​ခြေအ​နေ​ပေးရင် လက်၃​ချောင်း​ထောင် ​ကြွေး​ကြော်ကြဖို့

(၅) ည၈နာရီမှာ သံပုံး​တွေတီး​ပေးကြဖို့

အဲဒါ​တွေကို အဆင်​ပြေရင် အကုန်လုံးလုပ်ပြီး မ​ပြေရင်လည်း နိုင်သ​လောက်​လေးလုပ်​ပေးကြဖို့ နှိုး​ဆော်ထားကြတာ ​တွေ့ရပါတယ်။

​ဒီလို လူထုလှုပ်ရှားမှုနှိုး​ဆော်ချက်​​တွေကို ပြည်သူလူထုက အင်တိုက်အားတိုက် ပါဝင်ကြတယ်ဆိုရင် ​မြေပြင်မှာ စွန့်စားပြီး သပိတ်ထွက်​နေကြတဲ့ လူငယ်​တွေ​​ရော မြို့ပြ​ပျောက်ကြား ရဲ​​​​​​ဘော်​တွေ​ရော တောထဲ​တောင်ထဲက လက်နက်ကိုင်လူငယ်​တွေ​ရောဟာ သူတို့အသက်​တွေရင်းပြီး လှုပ်ရှား​နေရတာကို​တောင်​မေ့ပြီး အတိုင်းမသိ​ပျော်ရွှင်ဝမ်း​မြောက်ကြပါတယ်။ သူတို့အတွက် လူထုရဲ့ ပူး​ပေါင်းပါဝင်မှုဟာ ဘယ်ဆရာဝန်ကမှ မ​ပေးနိုင်တဲ့ ခွန်အားဖြည့်​ဆေးကြီးပါပဲ။ ငါတို့ပြည်သူလူထုကြီးဟာ လူထုသပိတ်​တွေမှာ နိုင်သမျှနည်းနဲ့ပါဝင်​နေကြတာမို့ ငါတို့​တွေ အသက်နဲ့ရင်းရတာတန်တယ်။ ငါတို့​တွေ ​အဖမ်းခံ​ထောင်ကျခံ နှိပ်စက်ခံရရင်​တောင် ရဲရဲကြီး ရင်​ကော့ခံလိုက်မယ်ဆိုတဲ့ ယုံကြည်စိတ်နဲ့ လမ်း​မ​တွေ ​​​တော​တောင်​တွေထဲမှာ လူငယ်​တွေက တိုက်ပွဲဆက်ဝင်​နေကြတာဖြစ်ပါတယ်။

ဒါ​ကြောင့် နိုင်ငံလုံးကျွတ်လူထုသပိတ်​တွေဟာ စကစကို တကြိမ်တည်းနဲ့ ဖြုတ်မချနိုင်​သေးရင်​တောင် တော်လှန်ပြည်သူလူထုအချင်းချင်း အထူးသဖြင့် အသက်နဲ့ရင်းတိုက်ပွဲဝင်​နေကြရတဲ့ ရှေ့တန်းစစ်မျက်နှာ​ပေါင်းစုံကလူငယ်ရဲ​ဘော်​တွေအတွက် အဖိုးမဖြတ်နိုင်တဲ့ ခွန်အားနဲ့တက်ကြွမှုကို

​မုချမ​သွေ ​ပေးစွမ်းနိုင်ပါတယ်။

ကဲ! ဒီ​လောက်ဆိုရင် တော်လှန်​ရေး ရဲ​​​​​​ဘော်​တွေ ပြည်သူ​တွေအတွက် ရှေ့ဆက်နိုင်မယ့်ခွန်အား​တွေ​ပေးဖို့ လူထုသပိတ်​တွေမှာ တတ်နိုင်​သ​လောက်ပါဝင်ဖို့ ဆုံးဖြတ်လိုက်သင့်ပြီ မဟုတ်လား။

၂၂.၂.၂၀၂၂ နှစ်​ခြောက်လုံး​နေ့မှာ လမ်းမ​တွေ​ပေါ်ထွက်ခဲ့လိုက်ပါ

"စည်ကားသပိတ်"နဲ့အတူ နှစ်​ခြောက်လုံး​နေ့မှာ ပြန်လည်စုစည်းပြီး ရုန်းထလိုက်ကြရအောင်ပါ။ ✊✊✊

#GSCB 

#WomenAllianceBurma

#နှစ်ခြောက်လုံး

#ပြန်လည်စုရုံးနှစ်ခြောက်လုံး 

#စည်ကားသပိတ်

#အရေးတော်ပုံအောင်ရမည် 

#သွေးအေးသွားရင်_ခွင့်မလွှတ်ကြေး 

#ဖက်ဒရယ်ပြည်ထောင်စုသို့_ရဲရဲချီ 

#အာဏာရှင်စနစ်ဟူသမျှ_မုချကျရှုံးရမည်