နွေဦးရဲ့ကံ့ကော် ပြည်သူ့ရဲ့တပ်တော်

နွေဦးရဲ့ကံ့ကော်  ပြည်သူ့ရဲ့တပ်တော် 

ငါတို့မှာ နှောင်ကြိုးမှ တစ်ပါး ဆုံးရှုံးစရာ မရှိတော့ဘူး

ဒီတော်လှန်ရေးကို နိုင်မယ်ထင်လို့ တိုက်ခဲ့ကြတာ မဟုတ်ဘူး

မတရားမှန်းသိလို့ နိုင်အောင်တိုက်ဖို့ ငါတို့ ကြိုးစားခဲ့ကြတာ

တစ်ချို့က လမ်းမထက်မှာ 

တစ်ချို့က စစ်ကြောရေးမှာ

တစ်ချို့က စစ်မြေပြင်မှာ

တစ်ချို့က အကျဥ်းကျခံနေရဆဲ

သူတို့တွေ လိုချင်ခဲ့ကြတဲ့

တရားမျှတမှု  လွတ်လပ်မှု ငြိမ်းချမ်းမှုတွေ ဆောင်ကြဥ်းပေးနိုင်ဖို့ ငါတို့တွေ

အဆုံးထိ တိုက်ကြမယ်

ယုံကြည်ချက်အတွက် 

အသက်တွေကို စွန့်ခဲ့ကြရ

ဘဝတွေကို ကိုယ်စီ ချန်ခဲ့ကြရ

ချစ်ရတဲ့သူတွေနဲ့ ကွေကွင်းခဲ့ကြရ

လမ်းချင်းတူလို့ လူချင်းတွေ့ကြရသူတွေနဲ့

ဒီတော်လှန်ရေး ခရီးကို ဆက်လျှောက်ကြမယ်

တော်လှန်ရေးအမွေ နောက်မျိုးဆက်ကို 

ငါတို့ တတွေ လက်ဆင့်မကမ်းစေရ

အနာဂတ်ကို ပြန်ရဖို့ အာဏာရှင်ကို

အပြီးသတ်ချေမှုန်းကြမယ်

ရောင်နီသမ်းမယ့် ပန်းခင်းလမ်းမှာ

အောင်ပန်းတွေ ဝေပီးသားမို့

အရိုးကြေကြေ အရေခမ်းခမ်း

အောင်ပန်းကို ဆွတ်ခူးဖို့ 

ပန်းတိုင် အရောက်လှမ်းကြရအောင်...

San Zuren 🌸