တဖြည်းဖြည်း နဲ့ ကိုယ်တွေရဲ့ ပျော်ရွှင်မှုတွေဟာ #အပေါစား ဆန်လာတယ်။

❕မီးလာရင်ပျော်ရတယ်။

❕အပြင်သွားလို့ အစစ်အဆေး အလုပ်မခံရရင် ပျော်ရတယ်။

❕အင်တာနက်ကလေး လိုင်းနည်းနည်း ကောင်းလာရင် ပျော်လာတယ်။

❕ဆီစျေးလေး နည်းနည်း ကျလာရင် ပျော်တတ်လာတယ်။

❕ရုံးကိစ္စ သွားလို့ စာရေးက မရစ်ရင် ပျော်ရတယ်။

❕ကိုယ် ဘာမှ မလုပ်ထားပဲ အစစ်အဆေး ခံရရင်တောင် ပြသနာ မရှာပဲ လွှတ်ပေးလိုက်တာကိုပဲ သက်ပြင်းချပြီး ပျော်ရပြန်တယ်။

❕ညဘက် ကိစ္စရှိလို့ နည်းနည်းလေး နောက်ကျ သွားလို့ အိမ် အပြန် အေးချမ်းရင် ပျော်လာတတ်ပြီ။

❕ဒီ အပျော်တွေက တကယ့် အပျော်အစစ် တွေလား ?

❕❕တကယ်တော့ ဒါတွေဟာ သာမန် လူသားတစ် ယောက် အတွက် ခေါင်းထဲ ထည့်စရာတောင်မလိုပဲ ရရှိနေပြီးသား အခွင့်အရေးသေးသေး လေးတွေ ပဲ ရှိပါသေးတယ်။

❕❕တခြား နိုင်ငံသား တွေအတွက် ဒါဟာ 

ရပိုင်ခွင့်လို့တောင် မခေါ်ရလောက်တဲ့ အခြေအနေလေးတွေ။

❕❕❕တဖြည်းဖြည်း နဲ့ ဒီ နိုင်ငံသား တွေဟာ

လူဖြစ် ရှုံး လာကြတယ်။

အဲ့ လူဖြစ်ရှုံးတဲ့ အချင်းချင်း ထဲကိုမှ

သာသာယာယာ နေပြီး အဆင်ပြေသေးပါတယ်လေ ဆိုတဲ့ လူတန်းစားက သပ်သပ်ရှိတယ်။

တကယ်တော့ အားလုံးက တူတူပဲ

မြုပ်မယ့် လှေထဲက လူတွေလိုပဲ မြုပ်ရင် အားလုံး သေမှာ

မမြှပ်အောင် ကြိုးစားနေရတဲ့ လူတစ်စု နဲ့ပဲ ဆိုင်တာ မဟုတ်

----

ခြင်းတောင်းထဲက ငါးတွေလိုပဲ

အကုန်လုံး အစားခံရမှာပဲ

အိုးထဲ စောစောရောက်တာနဲ့ နောက်ကျ ရောက်တာပဲ ကွာပါတယ်

ခြင်းတောင်းထဲက ရုန်းထွက်ဖို့ ကြိုးစားခြင်းကသာ လွတ်မြောက်ဖို့ အခွင့်အရေးရှိတော့တယ်

ဒီနိုင်ငံ မှာ မွေးဖွားခြင်း နဲ့ သေဆုံးခြင်းထက်ပိုတဲ့

" လူ လူ သူ သူ တူ တူ တန် တန် နေ ဖူး သွား ချင် ပါ တယ်"

ဒီလောက်လေးပဲ မျှော်လင့်ပါတယ်

#Credit_sayarsan