ဟေ့ရောင် ...သားကြီးတို့ 

မင်းတို့တွေက မြန်မာပြည် ရဲ့ ကောင်းကင်အမိုးကြီးကို

 တက်လဲနေကြတာလေကွာ...

ခွေနေပြီလား

လျော့နေပြီလား

ရောင်နီပဲ လာလာ

နေမွန်းပဲ တည့်တည့်

ညအမှောင်တွေပဲရောက်ရောက်

ငါတို့ရင်ထဲ 

အမြဲတမ်း လင်းမယ့်

 "ကြယ်" က မင်းတို့ ..မင်းတို့ လေကွာ

ကိုလင်းလင်း သီချင်းလိုပါပဲ

အမှောင်ယံ ထဲ က ကပွဲတွေစရင်

ငါတို့ အတူတူ ကမယ်

ဇာတ်လမ်းတွေ တစ်ပုဒ်စီ 

တိုးတိုးလေး ရွတ်မယ်

အာရုံတွေကို နားစွင့်မယ်

တောရိုင်းဥပဒေတွေနဲ့

အကျဉ်းတန်မြို့ပြကနေ

မင်းတို့အလာကို 

ဓါးသွေးပြီးတော့စောင့်တယ်

အားခဲပြီးတော့ တိုက်မယ်

မိစ္ဆာအစွယ် ပြုတ်အောင်

ငါတို့ အတူတူ နုတ်မယ်...

ဟေ့ရောင်..တွေ

မင်းတို့ မှတ်မိသေးလား

ငါတို့ ပြောနေကျ စကားလေးလေကွာ

"ရန်ကုန်မှာ ပြန်ဆုံမယ်"

ဒါပဲကွာ...သားကြီးတို့ရေ 

/ငရာ/