သေဆုံးကြောင်းစာထုတ်လိုက်ပေမဲ့

တချို့ကလေးတွေအသက်ရှင်လျှက်ရှိနေသေးတယ်မဟုတ်လား

အဲဒီအထဲမှာငါသားလေးပါ ပါစေ"ငါသမီးလေးပါ ပါစေ"

လို့ဆုတောင်းရင်း အိမ်ရှေ့တံခါးနား

မိခင်တွေ သူတို့သားသမီးကိုစောင့်နေကြတုန်းပဲ။

ငါ့သမီးလေးသာအသက်ရှင်သေးရင်

ငါ့သားလေးသာအသက်ရှင်သေးရင် 

ဒီအရွယ်ရောက်နေပြီပေါ့"

ရွယ်တူကလေးတွေမြင်တိုင်းစို့နင့်လာတဲ့မိဘတွေရင်ထဲ

ဘယ်လောက်များပူလောင်လိုက်မလဲ။

သားသမီးနဲ့ပတ်သက်ပြီး မေ့လျော့သွားတဲ့

မိဘ ဘယ်မှာများရှိလို့လဲ။

အသက်နဲ့ရင်း ဝမ်းနဲ့တောင်လွယ်ပြီးမွေးထားရတာပဲ

ဘယ်မိဘကများ 

ဒီလိုလွယ်လင့်တကူစွန့်လွှတ်ပေးလိုက်နိုင်မှာလဲလေ

ငါ့သားလေးသာပြန်လာရင်သိပ်ကောင်းမှာ

ငါ့သမီးလေးသာပြန်လာရင်သိပ်ကောင်းမှာ

တဖွဖွရေရွတ်ရင်း "

ပြန်မလာနိုင်မှန်းသိသိကြီးနဲ့တောင်

ဘာမျော်လင့်ချက်မှ မရှိတော့ရင်တောင်"

မိဘတွေ သူတို့ကလေးတွေကို ယနေ့ထိစောင့်နေကြတုန်းပဲ

အကယ်၍များ အသက်ရှင်သေးရင်ဆိုတဲ့စိတ်နဲ့လေ

အကယ်၍များပေ့ါလေ။ ။"

Sandi