Click4Tanintharyi

ဂရိစာပေ၌ အလွန်ထင်ရှားသော စကားတရပ်မှာ တော်လှန်ရေးအတွက်အဖိုးတန်စွ။

"နတ်ဘုရားတို့ဟူသည် သန်မာစွမ်းပကားရှိသူကိုစောင့်ရှောက်သည်"ဟု။

နွေဦးတော်လှန်ရေးသည် မည်သူမှ ကြိုတင်ပြင်ဆင်ထားခြင်းမရှိ။

နှစ်ပေါင်းများစွာ စစ်တပ်တည်ထောင်ကာ အာဏာရူးကြသည့် အလွန်ခိုင်မာတောင့်တင်းကာ လူမဆန်အောင် ရက်စက်ယုတ်မာကြသည့် စစ်ခွေးတို့အား ရရာအင်အားစုဖွဲ့ကာ တွန်းလှန်ကြရသည်။

ပြည်သူလူထုထံမှ ပေါက်ဖွားလာသော တော်လှန်ရေးစိတ်ဓါတ်နှင့် နွေဦးသူရဲကောင်း အထောင်အသောင်းတို့သည် တစ်ခုတည်းသောစိတ်ဖြင့် ကြံ့ကြံ့ခံနေဆဲ။

ငါတို့မှာ ငါတို့ပဲ ရှိသည် ဟူ​သော သံမဏိခွန်အားများ။

ဤသည်ကပင် နတ်ဘုရားတို့နှစ်သက်သော စိတ်ဓါတ်ပင်။

စစ်​ခွေးတို့၌ ဘီလျံချီသောစစ်သုံးစရိတ်၊ ကြည်းရေလေအင်အားတို့ဖြင့် အနိုင်ကျင့်ဗိုလ်ကျနေသောစရိုက်။

ကြီးနိုင်ငယ်ညှင်းစရိုက်၊ ပြည်သူကို နည်းမျိုးစုံနှိပ်စက်သတ်ဖြတ်သောစရိုက်တို့ကြောင့် မည်သည့်စိတ်ခွန်အားမှ မရှိ။

နွေဦးတော်လှန်ရေးသူရဲကောင်းတို့၌ ရှိသမျှစစ်လက်နက်ဖြင့်တိုက်ပွဲဝင်နေသော်ငြား ကြီးမြတ်သောစိတ်ခွန်အားတို့ အပြည့်။

ဘေးဒုက္ခတို့ ပြည့်နှက်နေသည့်ကြားမှပင် စစ်ခွေးတို့အားနာကြည်းစက်ဆုပ်စိတ်ဖြင့် မိမိတို့နိုင်မှဖြစ်မည် ဟူသော တာဝန်သိစိတ် မွေးလျက် စစ်ခွေးတို့အားရင်ဆိုင်နေကြသည်။

သိဒ္ဓတ္ထမင်းသားသည် ညီတော်အာနန္ဒာအား အကောင်းဆုံးစိတ်ခွန်အား တရပ်အဖြစ် စကားလက်ဆောင်ပေးဖူးသည်။

လောကမှာ​ ကြောက်စရာအကောင်းဆုံးအရာသည် အခြားမဟုတ်။ အကြောက်တရားသာဖြစ်သည်ဟု။

လူသည် မိမိတို့လွတ်မြောက်လိုရာသို့ အကြောက်တရားရှိနေသမျှမရောက်။

ကြောက်စရာကောင်းသည်များအား ကြောက်လန့်​နေသမျှမည်သည့်အခါမှ မလွတ်မြောက်။

ကြောက်၍အရှုံးပေးနေသမျှ ဘယ်သောအခါမှ လွတ်မြောက်ရာမရှိ။

နွေဦးတော်လှန်ရေးသူရဲကောင်းတို့သည် ကြောက်မက်ဖွယ်ရာစစ်မိစ္ဆာတို့အား မကြောက်ခြင်းကို ပြသလျက်ရှိကြသည်။

အလွန်စက်ဆုပ်ဖွယ် ရက်စက်လွန်းလှသည့် စစ်မိစ္ဆာတို့အား မကြောက်ရွံ့ခြင်းဖြင့် ကျော်လွှားနေကြသည်။

ပြည်သူလူထုသည် နွေဦးတော်လှန်ရေးကြောင့် စစ်မိစ္ဆာအပေါင်းကို မကြောက်မရွံ့ ရရာနေရာမှ ပါဝင်ချေမှုန်း နေကြသည်။

ထိုအရာသည်သာ ကမ္ဘာ့အဖွဲ့အစည်းအသီးသီးနှင့် နတ်ဘုရားတို့၏ဖေးမခြင်းကိုရမည့် နည်းလမ်းပင်။ အခြားမရှိ။

နတ်ဘုရားတို့ဟူသည် စိတ်ခွန်အားကြီးမားသူတို့ကိုဦးညွတ်

စမွဲ။

မိုးသိကြား

#thevoiceofspring #opinion

#credit

#thevoiceofspring