လေတသုန်သုန်တိုက်လျက်
မိုးစက်များစိုရွှဲလျက်
ကမ္ဘာမြေဟာ
လူမသိသူမသိကြွေကျပျက်စီးခဲ့တဲ့
သစ်ရွက်အနွမ်းတို့ကို
အုပ်မိုးပွေ့ဖက်တော်မူပါတယ်။
ရှေးဟောင်းပစ္စည်းတွေဟာ
တချိန်ချိန်မှာ ပြန်လည်တူးဖော်တွေ့ရှိရတယ်။
ဆီတိုးဝယ်ရင်း
ရောဂါကုဖို့ဆေးမဝယ်နိုင်ရင်း
ငတ်မွတ်ခေါင်းပါးရင်း
ရရာလက်နက်စွဲကိုင်ရင်း
တိတ်ဆိတ်စွာမျက်ရည်ကျခြင်းနဲ့
ဒုက္ခ၊သောက၊ဗျာပါဒနဲ့။
ပေးဆပ်ကွယ်လွန်သူ
လူငယ်လူကြီးများရဲ့နာမည်ကို
သက်ဆိုင်သူတွေပြန်လည်တူးဖော်တဲ့နေ့မှာ
ကျနော်တို့ရဲ့မှတ်ဥာဏ်မြေသားထုနဲ့
အုပ်မိုးပွေ့ဖက်ရပါလိမ့်မယ်။
-ဆပ်ရိပ်
၂၆၊၈၊၂၂
No comments:
Post a Comment