တိမ်တွေအလယ်မှာကိုယ်တို့ဟာပေါ့ပါး___
တိမ်တွေ၀တ်မှုန်ကူးကြတော့ ကိုယ်တို့ဟာ
ခရမ်းရောင်ပန်းပွင့်တွေအဖြစ်ပြန်လည်၀င်စားကြတာ
စိတ်၏ချမ်းသာခြင်း၊ကိုယ်၏ကျန်းမာခြင်းဆိုတာ
တိမ်တွေ တဖွဖွ မျောနေတာကို
နှစ်ယောက်အတူတူထိုင်ငေးရတာ
ပင်လယ်ကမ်းခြေကနေ တိမ်တွေကြည့်ပြီး
စိတ်အမျှင်စကို အဆုံးထိ ဆွဲဆန့်လိုက်တယ်
အတိတ်ဘ၀တွားသွားအပျော်ကောင်တွေ
ကိုယ်တို့ဆီလွန့်လွန့်လူးလာ
တိမ်တွေနဲ့ လူလားမမြောက်ခဲ့ရတဲ့
ဆယ်ကျော်သက်ပြတင်းပေါက်ရယ်လို့များရှိခဲ့ဖူးလား
အိမ်အပြန်သက်တန့်ညနေ၊ နှင်းဆီငွေ့ငွေ့နဲ့ဖျားစိတ်
ကံ့ကော်ပန်းခြောက်တွေကြား
ကိုယ်တစ်ယောက်တည်း အရည်ပျော်ကျရခြင်း လွမ်းနာ
ကိုယ်သာတိမ်တစ်ဆုပ်ဖြစ်ခဲ့ရင်
သေသွားသူတွေအပေါ် ကိုယ့်ကိုယ်ကို ဖြန့်ကြဲချမယ်
ရှင်ပြန်ထမြောက်သူတို့စကားဝိုင်းမှာ
အဝါရင့်ရင့်စံပယ်နံ့သင်းသင်းတိမ်
အမေဟာ တိမ်တွေကိုငေးနေမယ် ၊
ကိုယ်လည်းတိမ်တွေအဖြစ် ပြန်ရွာချမယ်
ကိုယ်ပြန်လာမယ်
တိမ်တွေ မင်းပတ်ချာလည်ဝိုင်းနေတဲ့
ကောင်းကင်ဟာ ဆုံမှတ်
တိမ်မျိုးစိတ်တစ်ခုအဖြစ်နဲ့
ပြန်ပြီးရှင်သန်ချင်တော့တာပဲကွာ လို့
ကိုယ်ပြောပြဖြစ်တော့ မင်းရယ်သံဟာ
တိမ်တွေကြားထဲ လွင့်နေ
ကိုယ်တို့ကမ္ဘာတစ်ခု တိမ်တောအုပ်အဖြစ်
တိမ်စေ့လေးတစ်စေ့
ကြီးရင့် ကျယ်ပြောသွားပုံ
မင်းမြင်ရတဲ့ တိမ်တွေဆိုတာ
ကိုယ့်စီးကူးမှု နှလုံးသွေးမြစ်တစ်ခုပေါ့
အငွေ့လို လွင့်ရင်း ရင်ဟာပါးလျစွာခုန် ။ ။
-Plug x
No comments:
Post a Comment