"လေထုညစ်ညမ်းမှု"
နာရီလက်တံပေါ် ထိုင်စီးရတာ
အရင်လိုလည်း ပျော်စရာမကောင်းတော့ဘူး
အသက်မရှူမှ သေတာမဟုတ်ပါဘူး
ဒီနေ့ဟာ မနေ့ကအတိုင်း
မနက်ဖြန်ဟာ ဒီနေ့အတိုင်းပဲဆိုရင်
ဒါဟာလည်း သေနေတာပဲမဟုတ်လား
ကျွန်တော့ကိုပဲကြည့်လေ
ပြန်ရှင်လာမလားလို့ ကဗျာတွေရေးနေတာ
ကျွန်တော် သေနေတဲ့အကြောင်းကို
လူသိရှင်ကြား ကြေငြာရအောင်လည်း
အာဏာရှင်နာရေးလို ပျော်စရာမှမကောင်းပဲ
ရှင်ချင်ယောင်ဆောင်နေရတဲ့ကြားထဲ
စိတ်ညစ်စရာတွေချည်းပဲ အားကောင်းလာတယ်
ပန်းတွေမပွင့်တော့တဲ့ကမ္ဘာမှာ
အသက်ရှူကျပ်နေတဲ့ပျားတွေ
ကိုယ့်ကိုယ်ကိုသတ်သေကြတာ
အသက်ရှူဝဖို့ပဲလေ
ကိုဟိန်း
၁၄.၁၀.၂၀၂၂
Subscribe to:
Post Comments (Atom)
လေတသုန်သုန်တိုက်လျက် မိုးစက်များစိုရွှဲလျက် ကမ္ဘာမြေဟာ လူမသိသူမသိကြွေကျပျက်စီးခဲ့တဲ့ သစ်ရွက်အနွမ်းတို့ကို အုပ်မိုးပွေ့ဖက်တော်မူပါတယ်။ ရှေးဟေ...
-
ကဗျာဆရာသေဆုံးခြင်း _____________________ ဏေမျိုးဇော် ပါးနမ်းလို့ရတယ် ခေါင်းရိုက်ခွဲလိုက်လို့လဲရတယ် က... -
❝ ခင်ခင်ပျိုရေ စောင့်ခဲ့တယ် ❞ တရားဟာ တရားအတိုင်း အမှားဟာ အမှားအတိုင်း ခင်ခင်ပျိုရေ ငါစောင့်ခဲ့တယ်။ သမိုင်းဆိုတာ နှေးချင်နှေးပြီး မြန်ချ...
No comments:
Post a Comment