သိကြားမင်းထံသို့ အိတ်ဖွင့်ပေးစာ
သို့
တာဝတိံတာ
အသင်သိကြားမင်းခင်ဗျ
ယခုရောက်ရှိလာမည့် ကလေးငယ်များအား
သက်ညှာထောက်ထား၍
၎င်းတို့အား ပစ်ခတ်သတ်ဖြတ်သူများနှင့် ဝဋ်ကြွေးမည်မျှရှိသည်မရှိသည်ကို
သိသော ကြားသော မင်းဟူသော အမည်ဖြင့် ညီလျော်စွာ
သိမြင်၊ကြားနာ စစ်ဆေးထားပါရန်
ထို့နောက်
အပြစ်ရှိသမျှ ကုန်စင်ကျေစေပြီး
ဘက်မလိုက်ပဲ
ကံရိုက်ရန်
ဒဏ်ထိုက်သူတို့ကို
ယမမင်းဆီသို့ ပို့ပေးစေရန်
သို့မဟုတ်ကား ကျွန်ုပ်သည် ကံကံ၏ အကျိုးပေးကို ယုံကြည်မှု စွန့်လွှတ်လိမ့်မည်ဖြစ်ပြီး
အသင်သိကြားမင်းကား ဘုရားဒကာ သာသနာစောင့်သည်ဟု ယုံကြည်ပါ၍
သာသနာစစ်ကိုပြစေ
ကံ၏အကျိုးအစစ်ကို ပြစေ
အသင်ကား နတ်ပူဇော်သော ငရဲသားများထံမှ
လာဘ်လာဘယူလောက်အောင်
နတ်ပြည်သည် လူပြည်အဆင့်လောက် ကျဆင်းနှင့်ပြီမထင်ပါ
သို့မဟုတ်...
အသင်သည် လူ့ဘဝက စောင့်တည် အားထုတ် ကြိုးပမ်းယူခဲ့သော ဘဝဟောင်းကိုမေ့၍
စည်းစိမ်သစ်မှာ ယစ်ငွေ့လျှံနေလိမ့်မည်ဟု မထင်ပါ
သို့မဟုတ်...
ယုံကြည်စိတ် အကြွင်းအကျန်ကို ထောက်ထား၍
မှ
လူ့ငရဲ
#Tommy
Subscribe to:
Post Comments (Atom)
လေတသုန်သုန်တိုက်လျက် မိုးစက်များစိုရွှဲလျက် ကမ္ဘာမြေဟာ လူမသိသူမသိကြွေကျပျက်စီးခဲ့တဲ့ သစ်ရွက်အနွမ်းတို့ကို အုပ်မိုးပွေ့ဖက်တော်မူပါတယ်။ ရှေးဟေ...
No comments:
Post a Comment