မျှော်လင့်ခြင်းပြတင်းပေါက်

မျှော်လင့်ခြင်းပြတင်းပေါက်
............

အိပ်မက်တွေက
မိုးစို စုတ်ပြဲ အထပ်လိုက်ကွာကျ....။

(၁)

ဝါသနာကိုမြေမြုပ်ကြရင်း
နိုင်ငံတစ်ပါးမှအမြစ်တွယ်
စောင့်လေမျိုးနွယ်ကို မေ့ထား
ထမင်းစားဖို့ရထားစီးရန်....။

(၂)

ဟုတ်တာပဲလုပ်လုပ်
မဟုတ်တာပဲလုပ်လုပ်
နာမည်ကြီးအောင်လုပ်
လူပိုသနားတယ်
လူအများသတ်ရင်နပိုလီယံ
လူတစ်ယောက်သတ်ရင်ထောင်ဒဏ်……။

(၃)

ပိုင်ဆိုင်မှုဘာရှိလဲ
အကြင်နာတရားလား
ပြောမနေနဲ့…လက်ဘက်ရည်ဖိုးတောင်မရဘူး….။

(၄)

ဗာရာဏသီ
ဘာမှန်းမသိတဲ့အရာတွေစီနေတာ..
တလွဲပညာရှင်တွေစု
ဖောင်းထု…
ကောင်းမှုသာဓုခေါ်စေသော်ဝ်…..။

(၅)

အသက်တွေတတိတိတိုက်စားခံရရင်း
စစ်ခင်းတဲ့တလင်းမြေမှာ
မသေမချင်းစပါးရိတ်နေရမှာ….။

(၆)

လက်ရှိအနာဂတ်က ဒါ
ပစ္စုပ္ပန်က အလုပ်လက်မဲ့
အတိတ်က ပဒေသရာဇ်…
အနိစ္စတရားကျလိုက်ပုံများ…..။

အလင်္ကာ