အလကားကောင်

အလကားကောင်

~~~~~~~~~~~

အမြီးတက်နင်းတုန်းကလည်း

တစ်ခါကိုက်တယ် ...

ဂုတ်ကိုကြိုးချည်တုန်းကလည်း

တစ်ခါကိုက်တယ် ...

စားခွက်ကိုထိမိတုန်းကလည်း

တစ်ခါကိုက်တယ် ...

ကျောသပ်ပေးလို့မရ

ခေါင်းပွတ်ပေးလို့မရ ...

အမေက

ယဥ်ကျေးအောင်

သင်ပေးပါသေးတယ် ...

အမေ့မှာ

အကိုက်ခံလိုက်ရတာ

ခဏခဏ ...

တစ်ခါကိုက်ဖူးတဲ့

အချိန်ကစပြီး .. ၊

မြင်မြင်ကရာ 

ထိုးထိုးဟောင်၊

ထိလိုက်တာနဲ့

လှည့်လှည့်ကိုက် ...

အဘိုးက

အိမ်လုံမယ်ထင်ပြီး

မွေးခဲ့တာပဲ ...

အဘိုးမွေးခဲ့တဲ့

ခွေး .. ၊

(အလကားကောင်)

ဆန်ကုန်မြေလေး  ..။   ။

#မောင်လှမျိုး - ချင်းချောင်းခြံ