Monday, August 8, 2022

ခေတ်ကိုထမ်းပြီး
လမ်းတွေလျှောက်ခဲ့တာ
ယနေ့ဆို 29 နှစ်ပြည့်ပါပြီ ။
ကျွန်တော်ပါ။

ကမ္ဘာနှစ်ခြမ်းကွဲလို့
အဖေတစ်ခြမ်းစီအမေတစ်ခြမ်းစီရဲ့ကြားမှာ
ဟိုပြေးဒီပြေးနဲ့
အပြဲအကွဲ
မိသားစုတွေရဲ့ဒဏ်တွေကိုခါးစည်းခံပြီး
လူဖြစ်လာခဲ့တာ ယနေ့ဆို 29 နှစ်ပါ ။

ကျွန်တော်ပါ
အစာအိမ်နာလျက်နဲ့
ကော်ဖီကို တမြတ်တနိုးသောက်ခဲ့တာ
ကျွန်တော်ပါ ။

ကျွန်တော်ပါ 
ဝါသနာနဲ့အသပြာ 
ဂုဏ်သိက္ခာနဲ့ မိုးခါးရေနဲ့ဆို
မတရားမှုအတွက်
အစစအရာရာကို
ပစ်ပစ်ခါခါ ပစ်ချပြီး
ဒီနှစ်တွေထဲမှာလွင့်ခဲ့တာကျွန်တော်ပါပဲ ။

အတူတူနာနေရတဲ့လောကဓံမှာ
ကိုယ့်ဒဏ်ရာပိုနက်ကြောင်းဖွင့်ဟရင်
ဘယ်တရားပါ့မလဲ
လူဖြစ်လာမှတော့ လူနဲ့ဆိုင်တဲ့
လောကဓံ အခင်းအကျင်းတွေကို
အတက် အကျ
အမြင့် အနိမ့်
အကြမ်း အချော အလိုက်
ပျော်အောင်နေရတာပါပဲ ။

ဒီနှစ်တွေဟာ ခါးပါတယ်
ပြန်မလာနိုင်တဲ့လူတွေထက်တော့
ကျွန်တော်တို့က ချိုကောင်းပါရဲ့ ။

LuAh
နှစ်တွေ

No comments:

Post a Comment

လေတသုန်သုန်တိုက်လျက် မိုးစက်များစိုရွှဲလျက် ကမ္ဘာမြေဟာ လူမသိသူမသိကြွေကျပျက်စီးခဲ့တဲ့ သစ်ရွက်အနွမ်းတို့ကို အုပ်မိုးပွေ့ဖက်တော်မူပါတယ်။ ရှေးဟေ...